Fryslân zet ‘m op

Wisten je dat Nederlân it iennige lân fan de wrâld is dêr't mear minsken yn it ferkear ferstjerre op de fyts as yn de auto? En dat wylst it dragen fan in fytshelm it risiko op harsenletsel mei 36% ferlytse en in soad leed foarkomt. 

It tal fytsslachtoffers mei grut letsel is yn de ôfrûne 10 jier mei 21% omheech gien. De meast resinte sifers litte sjen dat yn 2024 yn Nederlân 74.300 fytsers (1 op de 5 fytste op in e-bike) op de Spoedeaskjende Help bedarren nei in ferkearsûngelok. Dêrfan hiene 49.000 (66%) fytsslachtoffers flink letsel, lykas fraktueren of haad - / harsenletsel.

Dit soarte fan letsels hat yn in soad gefallen langduorjende gefolgen foar it deistich funksjonearjen, lykas ferlies fan selsstannichheid, psychyske klachten of sels bliuwende beheiningen. En ek neisten wurde rekke troch de tanommen soarchlêst.

Goed in fiifde part fan de fytsslachtoffers yn 2024, sa'n 12.500 fytsers, rûn by it ûngelok harsenletsel op. En dat wylst ûndersyk sjen lit dat by it dragen fan in helm de kâns harsenletsel mei ien tredde ôfnimt, de kâns op holletsel sels 62% leger is en dat de kâns op deadlik haad - of harsenletsel sels 70% ôfnimt.