Subsydzjes
Sykje jo subsydzje foar in projekt of aktiviteit yn Fryslân?
De provinsje Fryslân stipet inisjativen dy’t bydrage oan in sterke, duorsume en leefbere provinsje.
Hjirûnder fine jo de subsydzjeregelingen, lêze jo hoe't it oanfreegjen wurket en wannear't jo kontakt opnimme kinne mei de provinsje.
De subsydzjeregelingen binne yndield per tema. Sjoch binnen it tema dat it bêste past by jo projekt of aktiviteit.
Nij subsydzjeportaal yn oktober 2026
Fan 1 oktober 2026 ôf nimme wy in nij subsydzjeportaal yn gebrûk. Yn it nije portaal logge jo yn mei DigiD (foar ynwenners) of eHerkenning (foar organisaasjes). Yn it subsydzjeportaal sjogge jo fuortendaliks de status fan jo oanfraach. Ek fine jo hjir alle ynformaasje dy't heart by jo subsydzjeoanfraach en hokker aksjes jo eventueel noch útfiere moatte. Om oan te freegjen foar in regeling, kieze jo ûnderoan dizze side earst de oanbelangjende regeling en fine jo dêr it oanfraachformulier fia it portaal.
Foar ynwenners
DigiD is in digitale identiteit wêrmei't jo ynlogge kinne by oerheidsorganisaasjes en oare organisaasjes mei in publike funksje. Mei jo DigiD litte jo sjen wa't jo binne as jo op ynternet wat regelje. Oft dat no by de oerheid is, it ûnderwiis, de soarch of jo pensjoenfûns. Tanksij jo DigiD kinne jo oeral maklik en feilich ynlogge. Jo persoanlike gegevens bliuwe goed beskerme.
Der binne gjin kosten ferbûn oan it oanfreegjen en brûken fan DigiD. Hâld rekken mei in levertiid fan 7 wurkdagen. Lês hjir mear oer DigiD.
Foar organisaasjes
Foar dit nije subsydzjeportaal hawwe jo minimaal eHerkenning nivo EH2+ nedich. Freegje dizze upgrade op 'e tiid oan as jo dy noch net hawwe. EH2+ biedt ekstra feilichheid en slút oan by lanlike regels foar digitale oerheidstsjinsten.
Wat betsjut dit foar jo?
De Wet digitale oerheid (Wdo) jout oan hoe't oerheden digitale tagong ta tsjinstferliening foar boargers en bedriuwen regelje moatte. De ynlochmiddels dêr't se mei ynlogge binne yn dizze wet fêstlein.
Om in oanfraach dwaan te kinnen, moatte jo op syn minst EH2 + brûke. Hat jo organisaasje no gjin eHerkenning? Freegje dan op 'e tiid (in upgrade) nei EH2+ oan fia jo hjoeddeiske leveransier. Hâld rekken mei in ferwurkingstiid fan in pear wurkdagen oant soms 1 à 2 wike.
Mear ynformaasje
Jo kinne eHerkenning sels oanfreegje by 1 fan de 6 troch de Ryksoerheid erkende leveransiers. Oan it brûken fan in eHerkenningsmiddel binne kosten ferbûn. De kosten ferskille per oanbieder.
Besjoch in oersjoch fan de seis leveransiers op de webside fan eHerkenning, hjir sjogge jo ek de kosten per oanbieder. De levertiden fan leveransiers kinne ferskille. De ferwurkingstiid fan jo oanfraach hinget gear mei de gegevens yn it hannelsregister oer jo organisaasje.
Earst witte hoe't it wurket
Wolle jo witte hoe't it oanfreegjen fan subsydzje wurket en hokker stappen dêrby hearre?
Jo projekt of idee beprate
Komme jo der net út of twivelje jo oft jo projekt yn oanmerking komt? Nim dan kontakt op mei de provinsje Fryslân. Mei-inoar besjogge wy wat mooglik is en hokker ferfolchstappen passe.
Foarnommen begruttingsssubsydzjes
Yn guon gefallen ferlient de provinsje Fryslân subsydzje streekrjocht fia de provinsjale begrutting. Dy foarnommen subsydzjes wurde yn it foar iepenbier makke.