Subsydzjes
De Provinsje Fryslân stipet plannen en projekten dy’t bydrage oan in sterke, leefbere en duorsume provinsje. Dat dogge wy mei subsydzjes. Op dizze side fine jo ynformaasje oer:
- wat in subsydzje is;
- wêrom ’t de provinsje subsydzjes jout;
- foar wa ’t subsydzjes bedoeld binne;
- hokker subsydzjes der binne;
- hoe ’t jo subsydzje oanfreegje kinne.
Sa helpe wy jo stap foar stap op ' en paad.
Wat is in subsydzje?
In subsydzje is in finansjele bydrage fan de provinsje. Mei dit jild stipet de provinsje plannen en aktiviteiten dy't wichtich binne foar Fryslân.
Subsydzjes helpe bygelyks by:
- it organisearjen fan aktiviteiten foar de maatskippij;
- it beskermjen fan natuer en lânskip;
- it stimulearjen fan duorsume enerzjy en ynnovaasje;
- it behâlden en fersterkjen fan kultuer en Fryske taal.
Subsydzjes binne dus bedoeld om projekten mooglik te meitsjen dy't oars net of dreger barre soene.
Wêrom jout de provinsje subsydzjes?
De Provinsje Fryslân wurket oan in sterke, leefbere en duorsume provinsje. Subsydzjes binne ien fan de middels om dizze doelen te berikken.
Mei subsydzjes wol de provinsje:
- de leefberens yn doarpen en stêden ferbetterje;
- natuer, wetter en lânskip beskermje;
- enerzjybesparring en duorsume enerzjy stimulearje;
- kultuer, sport en de Fryske taal fersterkje;
- ynnovaasje en ekonomyske ûntwikkeling stypje.
Guon plannen binne wichtich foar Fryslân, mar komme sûnder finansjele stipe net fan de grûn. Mei subsydzjes helpt de provinsje dizze plannen mooglik te meitsjen.
Foar wa binne subsydzjes bedoeld?
Subsydzjes binne bedoeld foar minsken en organisaasjes dy't aktiviteiten útfiere dy't bydrage oan Fryslân en har ynwenners.
Ofhinklik fan de subsydzjeregeling kinst subsydzje oanfreegje as:
- ynwenner;
- feriening of stichting;
- bedriuw of ûndernimmer;
- gearwurkingsferbân.
Net elke subsydzje is foar elkenien. By elke subsydzjeregeling stiet dúdlik foar wa't dy bedoeld is.
Hokker subsydzjes binne der?
De provinsje hat ferskate subsydzjeregelingen. Dizze binne ferdield oer de folgjende tema’s:
- Fryske ekonomy
- Kultuer
- Duorsume enerzjy & Miljeu
- Fryske taal
- Lânbou, Wetter & Natuerlânskip
- Mienskip
- Underwiis & Sport
- Provinsjale projekt- en begruttingssubsudzje
- Wen- en Leefomjouwing
Underoan dizze side steane alle regelingen oersichtlik per tema sadat jo maklik sjen kinne wat der past by jo oanfraach. Klik op in subsydzjeregeling foar mear ynformaasje en om subsydzje oan te freegjen.
Hoe freegje jo subsydzje oan?
It oanfreegjen fan in subsydzje bestiet út meardere stappen. Elk projekt of regeling hat spesifike easken, mar yn it algemien sjocht it proses der sa út:
Stap foar stap
- Kies de goede subsydzjeregeling
Sjoch goed hokker regeling past by jo idee en oft jo oan de betingsten foldogge. - Oanfraach yntsjinje
Folje it oanfraachformulier folslein yn. Partikulieren brûke DigiD en organisaasjes eHerkenning. - Untfangstbefêstiging
Jo krije in befêstiging dat wy jo oanfraach krigen hawwe. - Toetsing
De provinsje kontrolearret oft jo oanfraach kompleet is en oft jo foldogge oan de betingsten. Soms freegje we ekstra ynformaasje. - Beoardieling
De ynhâldlike beoardieling folget. Dêrby sjogge wy oft jo subsydzje past by de doelen fan de regeling. - Beslút en beskikking
As alles kloppet, krije jo in beslút en de subsydzje wurdt takend. Jo kinne soms ek in foarskot ûntfange. - Fêststelling efterôf
Nei ôfrin fan it projekt moatte jo faak ferantwurdzje wat jo dien hawwe en hoe't jo it jild bestege hawwe.
Wichtige betingsten en regels
As jo subsydzje oanfreegje by de Provinsje Fryslân, jilde der betingsten en regels. Dizze soargje derfoar dat subsydzjes earlik ferdield en goed bestege wurde.
Op de side ‘Subsydzje oanfreegje’ lizze wy út wat dy regels betsjutte, wêr ’t jo rekken mei hâlde moatte en wêr ’t jo de details fine kinne.