eHerkenning

eHerkenning is in feilich ynlochmiddel dêr't jo út namme fan in organisaasje online saken mei regelet. It liket op DigiD, mar is bedoeld foar organisaasjes. 

Hawwe jo noch gjin eHerkenning? Dan kinne jo dat oanfreegje by in erkende leveransier. Jo kieze sels in leveransier. De kosten en mooglikheden kinne per leveransier ferskille. 

• Besjoch it stappeplan foar de oanfraach

Der binne 3 betrouberheidsnivo's. Foar in digitale subsydzje-oanfraach by de provinsje Fryslân hawwe jo minimaal eHerkenning nivo EH2+ nedich. 

Brûke jo eHerkenning ek foar oare oerheden of ynstânsjes? Sjoch dan, foardat jo eHerkenning oanfreegje, hokker nivo oft jo dêrfoar nedich hawwe. Dat kin per tsjinst ferskille. 

Hawwe jo al eHerkenning mei in leger nivo? Nim dan kontakt op mei jo leveransier om dit oan te passen. 

• Lês mear oer betrouberheidsnivo's

De persoan dy't de subsydzje-oanfraach yntsjinnet, moat machtige wêze om út namme fan de feriening, stichting of oare organisaasje by de provinsje Fryslân yn te loggen.

eHerkenning is persoansbûn. Elkenien dy't út namme fan in organisaasje ynlocht, hat in eigen eHerkenningsmiddel en de goede machtiging nedich. Jo kinne eHerkenning net mei oaren diele.

Kontrolearje dêrom oft de goede persoan machtige is foar de tsjinst 'Subsidieportaal' fan de provinsje Fryslân. Somtiden moatte meardere bestjoersleden tastimming jaan om dit te regeljen. 

• Lês hoe't machtigen wurket

Fan 1 oktober 2026 ôf kinne jo net mear mei DigiD ynlogge as jo digitaal subsydzje oanfreegje út namme fan in feriening, stichting of oare organisaasje. Dêr hawwe jo eHerkenning foar nedich. 

Freegje jo as ynwenner foar josels subsydzje oan? Dan kinne jo DigiD brûken bliuwe.

De kosten ferskille per leveransier en betrouberheidsnivo. Jo kieze sels by hokker erkende leveransier oft jo eHerkenning oanfreegje. 

• Ferlykje de leveranciers en har prizen

Dat ferskilt per situaasje en leveransier. It oanfreegjen of oanpassen kin langer duorje as jo tinke. Seker as meardere bestjoersleden tastimming jaan moatte. Begjin dêrom rom foardat jo subsydzje oanfreegje wolle. .

• Lês mear oer it oanfreegjen fan eHerkenning

Om eHerkenning oan te freegjen út namme fan in Nederlânske organisaasje, moat dy yn it Hannelsregister fan de Kamer van Koophandel (KvK) ynskreaun stean. 

• Lês wat jo nedich hawwe om eHerkenning oan te freegjen

Freegje dat nei by de persoan dy't binnen jo organisaasje de machtigingen regelet. Jo kinne ek by jo eHerkenning-leveransier kontrolearje foar hokker tsjinsten oft jo machtige binne. 

• Mear ynformaasje oer machtigingen

Kontrolearje oft de goede bestjoerders by de KvK ynskreaun stean en of de machtigingen noch klopje. Moat der wat feroarje? Nim dan kontakt op mei jo eHerkenning-leveransier.

Ja, in adviseur kin bygelyks út namme fan jo organisaasje de subsydzje-oanfraach dwaan. Dêrfoar kin in spesjale machtiging nedich wêze. Dit hjit in ketenmachtiging. 

• Lês mear oer ketenmachtigingen

Ja, dat wurket as jo minimaal nivo EH2+ hawwe en machtige binne foar de goede tsjinst fan provinsje Fryslân. 

Tink derom: hawwe jo in spesjaal EH3-ynlochmiddel dat allinnich foar de Belestingtsjinst bedoeld is? Dan kinne jo dit net brûke by de provinsje. Nim kontakt op mei jo eHerkenning-leveransier om dit te regeljen.

Nee, besteande subsydzje-oanfragen rinne gewoan troch. Jo hoege dêr net op 'e nij in oanfraach foar yn te tsjinjen.

Wolle jo letter opnij digitaal subsydzje oanfreegje út namme fan in organisaasje? Soargje dan dat jo eHerkenning op 'e tiid regele hawwe.