Waadrinne
Wolle jo te waadrinnen as gids, begelieder, sololoper of wolle jo waadrinnen organisearje? Jo hawwe dêrfoar in fergunning nedich om it waad op te meien. Fia dizze site kinne jo digitaal jo fergunning oanfreegje foar de provinsjes Fryslân, Grinslân en Noard-Hollân. Yn ûndersteand oersjoch stiet hokker fergunning oft jo nedich hawwe. Om in oanfraach yn te tsjinjen, hawwe jo as organisaasje e-Herkenning en as persoan DigiD nedich.
Utnûging Rêdingoefening 5 april 2025
Tink derom: ynskriuwe net mear mooglik!
Bêste Waadringidsen / dielnimmers oan de rêdingsoefening,
De oefenlieding hat besletten dat de rêdingsoefening fan sneon 5 april trochgean kin. De foarsizzingen fan de waarsomstannichheden en it tij lykje geunstich, mar tink derom: it dragen fan neopreen bliuwt ferplichte! De temperatueren op it waad en it seewetter binne noch leech en jim sille lange perioaden wachtsje moatte en dus stilstean.
Jimme wurde ferwachte op 6:45 oere by it Waadrinsintrum Pieterburen, Haven 26 yn Lauwerseach.
Oant sneon.
Oefenlieding rêdingsoefening Wadlopen 2025
Oandachtspunten:
- Meldtiid 06.45 oere kantoar Waadrinsintrum Pieterburen, Haven 26 Lauwerseach.
- It meifieren fan in waadrinstôk en marifoan is net tastien.
- Soargje foar foldwaande proviand en wetter, nei ôfrin is der sop mei bôle.
- Nim drûge klean mei yn 'e rêchtas (kin net op 'e boat bliuwe).
- Om’t wy betiid yn it jier dizze oefening organisearje, is it brûken fan neopreen-klean ferplichte! (kâns op ôfkuolling).
- Maksiimum tal dielnimmers is 60 persoanen, dus meld dy gau oan!
- Ofgelasting of it trochgean fan de waadrinoefening, wurdt op freedtemiddei 4 april fia www.wadgidsenweb.nl en op dizze pagina bekend makke.
Wolle jo as dielnimmer meirinne mei in groep? Der binne ferskate waadrinorganisaasjes dy 't tochten oanbiede. As dielnimmer hawwe jo gjin fergunning nedich.
Kennis oer waadrinne opfrissen?
Elkenien dy 't syn of har kennis opfrisse wol, kin dizze e-learning fergees en alhiel frijbliuwend trochrinne. Dizze e-learning is ûntwikkele troch de Provinsjes Fryslân, Grinslân en Noard-Hollân spesjaal foar begelieders fan natuer-edukative tochten, drûchfallende platen, oerstekken groepen en sololopers. Foar dizze doelgroep is it trochrinnen derfan ferplichte foar it oanfreegjen fan in fergunning.
E-learning foar begelieders en solorinners oer waadrinne
- Introductie
- Module 1: Het Waddengebied
- Module 2: Voorbereiden van een tocht
- Module 3: Lopen van een tocht
- Eindopdracht Sololoper
- Eindopdracht Begeleider Natuur-educatieve tocht
- Eindopdracht Begeleider Droogvallende platen
E-learning foar waadringidsen
E-learning feilich waadrinne foar gidsen Waadrinne op de Waadsee moat feilich barre. Dêrom hat de Coördinatie Regeling Waddenzee (CRW) in e-learning-module 'Veilig wadlopen' makke. De e-learning is troch de Veiligheidsregio Fryslân ûntwikkele en bedoeld foar gidsen. Yn de nijsbrief lêze jo oer de nije (ferplichte) e-learning foar sololopers en begelieders. Nei it trochrinnen fan dizze e-learning kinne jo in fergunning oanfreegje. Fierder lêze jo oer de nije Waadrinferoardering 2023 en de nije e-learning fan de Veiligheidsregio Fryslân.
Besjoch ek de Coördinatie Regeling Waddenzee. De CRW is in netwurk fan helpferlieningsorganisaasjes dy't mei-inoar ferantwurdlik binne foar de ynsidint en rampebestriding op de Waadsee.
Dokuminten
Hawwe jo problemen mei de lêsberens? Dan kinne jo in formulier ynfolje of belje mei it Klantkontaktsintrum. Sy helpe jo graach fierder.