Guozzen yn Fryslân

Yn Fryslân libje in soad guozzen. In part bliuwt it hiele jier yn de provinsje (standguozzen), wylst oare soarten allinnich yn de winter nei Fryslân lûke (trekguozzen). Guozzen hearre by it Fryske lânskip en binne beskerme. Tagelyk feroarsaakje grutte oantallen ek skea oan lânbougewaaksen en oerlêst yn guon gebieten. Dêrom wurket de provinsje oan in goede balâns tusken beskerming en skeabeheining.

It provinsjale guozzebelied is basearre op de Nota Faunabelied Fryslân. Hjiryn stean de útgongspunten foar it behear fan yn it wyld libjende bisten. De útwurking foar guozzen is fêstlein yn it Faunabeheerplan Ganzen Fryslân 2024 - 2029.

Balâns tusken beskermjen en skea beheine

De provinsje wol romte biede oan guozzen én de skea foar lânbou en natuer beheine. Dêrom bestiet it guozzebelied út ferskate maatregels. 

Sa binne der spesifike gebieten oanwiisd as foerazjeargebieten dêr't trekguozzen winterdeis rêst krije om te iten. Bûten dizze gebieten kinne, ûnder betingsten en binnen de wetlike regels, maatregels naam wurde om skea oan gewaaksen foar te kommen of te beheinen.

Guozzebelied 2024 

Provinsjale Steaten hawwe yn 2024 it guozzebelied op 'e nij fêststeld. Dêrby wurdt ûnderskied makke tusken: 

  • Trekguozzen, dy't winterdeis yn Fryslân ferbliuwe. Foar dy soarten bliuwt beskerming in wichtich útgongspunt. 
  • Stânguozzen, dy't it hiele jier yn Fryslân libje. Omdat harren oantallen bot tanaam binne en de skea groeit, is foar dizze groep in yntinsivere oanpak mooglik. 

Dêrneist wurdt hieltyd mear gebietsrjochte wurke. Per gebiet kinne ôfspraken makke wurde dy't oanslute by de lokale situaasje.

Faunabehearplan 

It provinsjale belied is útwurke yn it Faunabeheerplan Ganzen Fryslân 2024 - 2029. Hjiryn stiet hokker maatregels mooglik binne, hoe't de útfiering plakfynt en hoe't de resultaten folge wurde.

Een brandgans met een nest van 4 jongen.
De brandgans met jonge gansjes

Ynnovaasje challenge guozzen 

De provinsje wol dat guozzen dy't by it populaasjebehear sketten wurde, in weardefolle bestimming krije. Dêrom sette hja útein mei ChallengeBase de innovatiechallenge ‘Van afschot tot keten’. BBENG en Wild van Wild ûndersykje no yn opdracht fan de provinsje hoe't dizze guozzen sa folslein mooglik brûkt wurde kinne, as iten of foar oare tapassings. Dêrby sjogge sy nei de hiele keten: fan sammeljen en kuoljen oant ferwurkjen en ferkeapjen. It doel is om it fergriemen tsjin te gean en in oanpak te ûntwikkeljen dy't ek op de lange termyn wurket. Mear oer de oanpak en de fuortgong lêze jo op De Gans als Kans.

Mear ynformaasje

Wolle jo mear witte oer it guozzebelied of de útfiering?