Subsydzje oanfreegje

De provinsje wurket mei publyk jild. Dêrom moatte wy soarchfâldich omgean mei subsydzjes. De regels soargje derfoar dat: 

• elkenien deselde kânsen hat;
• subsydzjes wurde brûkt foar it doel dêr't se foar bedoeld binne;
• dúdlik is wat wy fan inoar ferwachtsje. 

Sa witte jo as oanfreger wêr't jo oan ta binne, en kin de provinsje kontrolearje oft it jild goed bestege wurdt.

Foar de measte subsydzjes jilde algemiene regels. Dizze steane yn de Algemiene Subsuszjeferoardering 

Dizze regels gean bygelyks oer: 

• wa ’t subsydzje oanfreegje kin;
• hokker kosten al en net meitelle;
• hoe en wannear’t jo subsydzje oanfreegje;
• wat jo dwaan moatte nei ôfrin fan dyn projekt. 

Jo hoege dizze regels net út'e holle te kennen, mar it is goed om te witten dat se bestean en foar hast alle subsydzjes jilde.

Sûnt 1 july 2024 jildt der in nije  Algemiene Subsydzjeferoardering 

• Foar subsydzjes dy't foar dy datum oanfrege of takend binne, jildt faak noch de âlde feroardering.
• Foar nije oanfragen jildt de nije feroardering. 

De útfieringsregeling beskriuwt hoe ’t de provinsje de Algemiene subsydzjeoardering tapast. Sûnt 1 febrewaris 2026 is de Utfieringsregeling ASV 2022 fan de provinsje Fryslân feroare. Neffens de foarige útfieringsregeling binne der wichtige wizigingen dy't ynfloed hawwe kinne op jo subsydzjeoanfraach. 

Neist de algemiene regels hat elke subsydzjeregeling eigen betingsten. Dy ferskille per regeling. 

By elke subsydzjeregeling stiet dúdlik: 

• oar wa ’t de subsydzje is;
• dêr’t jo subsydzje foar krije kinne;
• hoefolle subsydzje oft jo oanfreegje kinne;
• wannear ’t jo de oanfraach yntsjinje moatte;
• hokker dokuminten oft jo meistjoere moatte. 

Tip: Lês njonken de algemiene regels ek altyd de betingsten fan de spesifike regeling goed troch, foardat jo begjinne mei oanfragen..

1. In dúdlik plan 

Jo litte sjen: 

• wat jo dwaan sille;
• wêrom’t dat wichtich is;
• wannear't it projekt úteinset en einiget. 

2. In realistyske begrutting 

Yn jo begrutting stiet: 

• hokker kosten oft jo meitsje;
• hokker ynkomsten oft jo ferwachtsje;
• oft jo ek oare subsydzjes of bydragen krije. 

Net alle kosten komme yn oanmerking foar subsydzje. Dat stiet per regeling oanjûn. 

3. Earlike en folsleine ynformaasje 

Jo jouwe goede en folsleine ynformaasje. As der wat feroaret (bygelyks yn jo planning of budzjet), dan litte jo dat sa gau as mooglik witte.

Krije jo subsydzje takend? Dan jilde der ek ôfspraken foar dêrnei. 

Under it projekt 

• Jo fiere it projekt út lykas ôfpraat.
• Grutte wizigingen jouwe jo troch fia dit formulier.

Nei ôfrin 

Faak moatte jo sjen litte: 

• wat jo dien hawwe;
• wat it resultaat is;
• hoe't it subsydzjejild bestege is. 

Dit hjit ferantwurding ôflizze. Soms is in koart ferslach genôch, soms ek in finansjele ferantwurding. Dit ferskilt per regeling.

Yn guon gefallen kin de provinsje: 

• de subsydzje oanpasse;
• de subsydzje ynlûke;
• (in part fan) it subsydzje weromfreegje. 

Dit kin bygelyks as: 

• it projekt net trochgiet;
• it jild oars wurdt brûkt as ôfpraat;
• ôfspraken net neikommen wurde. 

Dizze situaasjes komme net faak foar, mar it is goed om te witten dat dizze regels bestean.