Subsydzje foar oanlis Agroforestry, paragraaf 2
Wolle jo bosk oanlizze bûten NNN, hearre jo by de doelgroep en foldogge jo oan de oare betingsten? Dan komme jo mooglik yn oanmerking foar subsydzje binnen de subsydzjeregeling Fryske Bosse- en beammestrategy, paragraaf 2.
Doelgroep
Subsydzje op grûn fan dizze paragraaf kin oanfrege wurde troch rjochtspersoanen, persoanennoatskippen of natuerlike persoanen dy't in agraryske ûndernimming driuwe.
Subsydzje
Subsydzje kin jûn wurde foar projekten rjochte op de oanlis fan agroforestry.
Iepenstellingsdatum en subsydzjeplafond
Jo kinne subsydzje oanfreegje fan 4 maaie 2026 oant en mei 4 novimber 2026. It beskikbere subsydzjebudzjet is € 200.000,-. Jo projekt moat uterlik 31 desimber 2028 klear wêze.
Oanfraach yntsjinje
Fia ûndersteande knop kinne jo in oanfraach yntsjinje:
ês de regeling goed troch. It is belangryk om it oanfraachformulier folslein yn te foljen en alle bylagen dy't nedich binne ta te foegjen. Dogge jo dat net, dan rinne jo mooglik subsydzje mis.
Wat hawwe jo nedich foar in folsleine oanfraach:
- eHerkenning 2+ (foar stichtingen, ferienings en koöperaasjes)
- In machtigingsformulier (allinnich as jo út namme fan in oar in oanfraach dogge);
- By machtiging: stikken dêr't út bliken docht wa't it foech hat om te ûndertekenjen (úttreksel Keamer fan Keaphannel en evt. statuten).
Hat jo stichting of feriening gjin eHerkenning? Jo kinne ek gebrûk meitsje fan jo eigen DigiD as machtige foar de oanfreegjende organisaasje. De oanfraach stiet dan op namme fan de organisaasje, mei jo as machtige. Dêrby moatte jo in machtigingsformulier en KvK úttreksel (en eventueel statuten) uploade.
Help nedich?
Slagget it jo net om it online oanfraachformulier yn te foljen, nim dan kontakt op mei ús Klantekontaktsintrum (sjoch ûndersteand telefoannûmer). Sy sille jo fierder helpe mei it dwaan fan de oanfraach.
Mear ynformaasje
Foar fragen kinne jo kontakt opnimme mei ús Klantekontaktsintrum fia telefoannûmer 058 - 292 59 25 of oer de e-mail fia provincie@fryslan.frl.
Tink derom: Jo kinne jo oanfraach foar dizze regeling digitaal yntsjinje. Dêrfoar hawwe jo eHerkenning nedich.
Neidat jo mei eHerkenning ynlogd binne, kinne jo jo oanfraach tuskentiids opslaan en letter (binnen 5 dagen) opnij iepenje.