N358 Skieding
It projekt Skieding draait om it ferbetterjen fan de ferkearsfeiligens en de trochstreaming foar dyk- en fytsferkear. It bestiet út twa dielen: Skieding Súd en Skieding Noard.
Skieding Súd it part fan de nije ovonde by de Folgersterloane en de Drachtsterwei oant it carpoolterrein by de oansluting op de A7 is klear. Op 25 july 2025 is de dyk wer iepensteld foar it ferkear.
Skieding Noard rint fan deselde ovonde ôf oant de nije rotonde yn Surhústerfean. De wurksumheden starte op 5 jannewaris 2026.Op dit stuit wurde alfêst beammen kapt.
Wat sille wy dwaan by Skieding Noard?
Yn Skieding Noard komme paralleldiken, nije fytspaden en in ferlei haadrydbaan. De rydbaan ferskoot foar in part nei it easten by de Poelbuert en nei it westen by Wildveld.
By de oansluting fan de Heidelaan en Wildveld op de N358 komt in ovale rotonde (ovonde). Fytsers stekke dêr aanst yn twa etappes oer, wat oersichtliker en feiliger is. Yn it byhearrende filmke is ek te sjen dat de twadde ûntslutingsdyk fan bedriuweterrein Lauwerskwartier oanlein wurdt.
De beplanting folget nei ôfrûnjen fan it wurk, ein 2026 of begjin 2027. Dit jildt ek foar Skieding Súd en de Uterwei.
It projekt bestiet út 3 fazen
Faze 1: 5 jannewaris (wike 2)
Bestiet út:
- It ôfsluten en ferwiderjen fan it besteande fytspaad fan Wildveld 7 ôf oant Skieding 13 (Poelbuurt).
- Ynfiering fan in fytsomlieding (rint troch oant de ein fan it wurk yn maaie).
- It ôfsluten fan de tagong ta de Heidelaan en it Wildveld ter hichte fan de lokaasje fan de nije ovonde.
- Begjin fan it grûnwurk fan Wildveld 7 ôf oant en mei it gebiet fan de nije ovonde.
- Tariedende wurksumheden foar de nije ovonde, paralleldiken, fytspaden en sleatten.
Fase 2:
Bestiet út:
- Ofsluting fan de N358 fan de ovonde ôf by de Folgersterloane oant Surhústerfean. Omliedings binne fan krêft. Hjir folget letter mear ynformaasje oer.
- Utfieren fan de lêste wurksumheden en it oansluten fan de nije haadrydbaan, paralleldiken, de ovonde en de fytspaden.
Fase 3:
Bestiet út:
- Tariedende wurksumheden, útfiering en oansluting fan de paralleldyk Lauwerskwartier.
Nei ferwachting is it wurk yn maaie 2026 klear.
Op'e hichte bliuwe?
Wolle jo op'e hichte bliuwe fan de wurksumheden oan de Skieding? Meld jo dan fia de knop oan foar de digitale nijsbrief. Hawwe jo gjin e-mailadres en wolle jo graach op'e hichte bliuwe? Nim dan kontakt op mei it klantkontaktsintrum fia ûndersteand telefoannûmer om in nijsbrief op papier oan te freegjen.
Kontakt
Hawwe jo fragen of opmerkingen oer dit projekt? Dan kinne jo kontakt opnimme mei it klantkontaktsintrum fia provincie@fryslan.frl of troch te beljen nei 058 292 59 25 fan moandei oant en mei freed ûnder kantoaroeren.
App wurk troch BAM Infra Wegen
Spesjaal foar it wurk dat BAM útfiert hawwe sy in bouwapp. Dy is net fan de provinsje Fryslân mar fan BAM. Foar alle ynformaasje kinne jo dy app downloade en dêryn sjen.
