Sichtberens Fryske Taal

Subsidiabele aktiviteiten 

1. Aktiviteiten dy’t fuortkomme út in beliedsplan Fryske Taal by in desintrale oerheid
2. It ynsetten fan in meartalichheidskoördinator by in gemeente yn it Fryske taalgebiet
3. It pleatsen of publisearjen fan Fryske teksten troch privaatrjochtlike rjochtspersoanen

Sjoch de regeling Sichtberens Fryske taal foar in neiere taljochting en hifkingskritearia foar de aktiviteiten.

Hichte fan de subsydzje

De subsidiabele kosten en hichte fan it subsydzjebedrach binne ôfhinklik fan de aktiviteit dêr 't jo subsydzje foar oanfreegje. Sjoch foar fierdere ynformaasje de regeling Sichtberens Fryske taal.

Mear ynformaasje

Betingsten

De betingsten kinne jo fine yn de Subsydzjeregeling Sichtberens Fryske taal. Yn dizze regeling kinne jo lêze oft jo foldogge oan de betingsten fan de regeling.

Foar aktiviteit 3 kinne jo allinnich subsydzje oanfreegje as jo it plan foar advys oan de Afûk foarlein hawwe. Jo kinne kontakt opnimme mei de Afûk fia ynfo@praatmarfrysk.nl. Nei’t de Afûk mei jo nei jo plannen sjoen hat, krije jo dêr bewiis fan. Dat kinne jo tagelyk mei jo oanfraach yntsjinje. 

Wêr?

Jo kinne subsydzje oanfreegje troch gebrûk te meitsjen fan it beskikbere online oanfraachformulier. It is wichtich it oanfraachformulier folslein yn te foljen en de taheakken derby te dwaan. Neidat jo ynlogt ha, wurdt it formulier 5 dagen bewarre. 

As de oanfraach troch in pinnefierder yntsjinne wurdt, dan binne de ôfspraken tusken gemeenten yn in gearwurkingsoerienkomst fêstlein. Brûk dêrfoar de Fryske gearwurkingsoerienkomst

Tink derom dat as jo út namme fan in organisaasje een oanfraach yntsjinje, jo E-herkenning nedich ha. Jo kinne ek mei jo eigen DigiD in oanfraach foar jo organisaasje yntsjinje. Yn dat gefal moatte jo wol in machtiging, in úttreksels fan de KVK en statuten mei de oanfraach yntsjinje.