Oanfreegje, hoe wurket it

Subsydzje oanfreegje by de provinsje Fryslân

Hawwe jo in passende subsydzjeregeling fûn foar jo projekt of aktiviteit? Op dizze side lêze jo stap foar stap hoe't it oanfreegjen fan subsydzje wurket en wêr't jo rekken mei hâlde moatte.

Stap 1: Foar jo beginne

Foardat jo subsydzje oanfreegje, is it wichtich om te kontrolearjen oft jo projekt past binnen de subsydzjeregeling.

Lês de betingsten fan de regeling soarchfâldich troch
Kontrolearje oft jo foldogge oan de kritearia
Tink om de iepenstellingsperioade en eventuele deadlines

Dêrneist jilde foar alle subsydzjes de algemiene regels fan de provinsje Fryslân. Dy binne fêstlein yn de Algemene subsidieverordening provincie Fryslân (ASV) en de Uitvoeringsregeling provincie Fryslân (UASV).

Stap 2: Subsydzje oanfreegje

Jo freegje subsydzje digitaal oan. By jo oanfraach leverje jo ûnder oare oan:

in dúdlike omskriuwing fan jo projekt of aktiviteit (projektplan)
in begrutting en in dekkingsplan
in planning
eventuele bylagen dy't yn de regeling neamd wurde

Wy behannelje jo oanfraach sadree't dy folslein is. Untbrekt der noch ynformaasje? Dan freegje wy jo om jo oanfraach oan te foljen.

Stap 3: Beoardieling fan jo oanfraach

Wy beoardielje jo oanfraach op basis fan:

de betingsten en kritearia út de subsydzjeregeling
de regels út de ASV en de UASV
it beskikbere budzjet (subsydzjeplafond)

De wize fan beoardieljen (bygelyks op folchoarder fan binnenkomst of fia in tender) stiet yn de subsydzjeregeling.

Stap 4: Nei jo oanfraach

Nei it yntsjinjen fan jo oanfraach:

krije jo in ûntfangstbefêstiging
beoardielje wy jo oanfraach
krije jo in beslút (ferliening of wegering)

De termyn dêr't jo in beslút binnen krije, ferskilt per regeling.

Stap 5: As jo subsydzje krije

Krije jo subsydzje takend? Dan jilde der ferplichtingen:

jo fiere de aktiviteit út lykas ôfpraat
jo feroarje op 'e tiid
jo hâlde jo oan de ferplichtingen út de beskikking
Yn guon gefallen krije jo earst in foarskot. It restearjende subsydzjebedrach krije jo nei it fêststellen fan jo subsydzje.

Stap 6: Subsydzje fêststelle (definitive ôfrekkening)

Nei ôfrin fan jo projekt freegje jo de fêststelling fan jo subsydzje oan. Yn jo subsydzjebeslút stiet oft en hoe't jo de subsydzje ferantwurdzje moatte. Jo leverje dan bygelyks in aktiviteiteferslach of finansjeel ferslach oan. Dêrnei stelle wy it definitive subsydzjebedrach fêst.

Belangryk om te witten

Tidzje jo oanfraach op 'e tiid yn
Start net mei jo aktiviteit foardat jo subsydzje oanfrege hawwe (of it moast wêze dat jo yn de regeling oars bepaald binne)
Soargje dat jo oanfraach folslein is
Bewarje jo administraasje goed

Fragen of help nedich?

Hjirûnder fine jo antwurden op gâns fragen. By fragen of twivel oer de geskiktheid fan jo projekt kinne jo kontakt opnimme mei de provinsje Fryslân.

Wat bart der as it subsydzjeplafond berikt is?

Foar elke subsydzjeregeling jildt in maksimaal budzjet (subsydzjeplafond). As dit budzjet berikt is, kinne nije oanfragen ôfwiisd wurde, ek as se ynhâldlik goed binne.

Hoe wurdt de folchoarder fan oanfragen bepaald?

By guon subsydzjeregelingen jildt: wa't it earst komt, it earst mealt. Dêrby kin it eksakte momint fan yntsjinjen bepalend wêze. Dit stiet altyd yn de subsydzjeregeling. Tink derom: jo oanfraach telt pas mei as dy folslein is.

Kin ik myn oanfraach noch oanpasse nei't ik dy yntsjinne haw?

As jo oanfraach net folslein is, kinne wy jo freegje dy oan te foljen. Ynhâldlike wizigingen nei it yntsjinjen binne net altyd mooglik en hingje ôf fan de regeling.

Wannear moat ik wizigingen yn myn projekt melde?

Jo moatte wichtige wizigingen sa gau as mooglik melde, bygelyks by:

fertraging yn de útfiering
feroaring yn 'e aktiviteit
ôfwikingen yn de begrutting

Wizigingen yn jo projekt

Dit kinne jo melde fia it wizegingsformulier.

Wannear krij ik it subsydzjebedrach?

Yn in soad gefallen krije jo (in part fan) it subsydzje as foarskot. It momint en de hichte fan de betelling ferskille de regeling en stean yn de beskikking.

Wannear wurdt myn subsydzje definityf fêststeld?

Yn jo subsydzjebeslút stiet oft en hoe't jo de subsydzje ferantwurdzje moatte. Soms freegje jo nei ôfrin fan jo projekt fêststelling fan de subsydzje oan. Jo leverje dan bygelyks in aktiviteiteferslach en finansjeel ferslach oan. Wy beoardielje dizze stikken en stelle dêrnei it definitive subsydzjebedrach fêst.

Wat bart der as ik net oan de ferplichtingen foldoch?

As jo net foldogge oan de ferplichtingen fan de subsydzje, kin de provinsje de subsydzje leger fêststelle of (foar in part) weromfoarderje.

Kin ik subsydzje oanfreegje nei't myn projekt al úteinset is?

Yn 'e measte gefallen moatte jo subsydzje oanfreegje ear't jo úteinsette mei jo aktiviteit. Soms binne hjir útsûnderingen op. Dat stiet yn de subsydzjeregeling.

Wêr fyn ik de eksakte betingsten?

De folsleine betingsten steane yn de subsydzjeregeling en yn de Algemene subsidieverordening provincie Fryslân (ASV) en de Uitvoeringsregeling provincie Fryslân (UASV).

Dizze side giet oer subsydzjes fia subsydzjeregelingen. Foar subsydzjes fia de provinsjale begrutting jilde oare prosedueres. De betingsten fan de subsydzjeregeling, de ASV, de UASV en beliedsregels fan de provinsje Fryslân binne altyd liedend. Oan dizze side kinne gjin rjochten ûntliend wurde.