Mei inoar foar in leefbere provinsje - lokkich en sûn libje yn Fryslân

Yn Fryslân binne minsken yn ‘e regel tefreden mei harren libben. Der is in sterk mienskipsgefoel, en minsken passe goed op inoar.

Dat wolle wy graach sa hâlde – mar de wrâld feroaret, en dat fielt men yn de mienskip.

Derom sette wy yn op leefberens en dat giet oer mear as wenten en foarsjennings…

It giet oer in omjouwing dy’t past by wat minsken écht nedich ha. En dat is oars foar elk plak, elke leeftyd en situaasje.

As provinsje sette wy ús derom yn foar tema’s dy’t fierder geane as de gemeentegrins en dy’t bepalend binne foar de leefberens yn hiél Fryslân.

Wy bouwe oan:

• In sosjale mienskip, mei frijwilligers, moeting en in bloeiend ferieningslibben.
• In sûne mienskip, dêr’t minsken har goed fiele en meidwaan kinne.
• In gelike mienskip, mei tagong ta wenjen, ûnderwiis, wurk en taal.

Dit dogge wy mei gemeenten, mei organisaasjes én mei ynwenners. Us rol? Ferbine, kennis diele en wichtige ûntwikkelingen agindearje.

Werby wy ynvestearje yn duorsume fersterking, yn balâns tusken regio’s en yn de krêft fan ûnderop.

Want allinich mei inoar hâlde wy Fryslân leefber – no én yn ’e takomst.

Balk mei smiley fan lilk nei bliid skoot yn byld. 

Kaart fan de provinsje Fryslân sko yn byld, dêr't 3 persoanen yn in trijehoeke omsirkele wurde mei in hertsje yn it midden. Dêrneist ferskine twa ûnderwerpen. 

In wrâldbol ferskynt yn byld en draait om. Dêrneist ferskine trije ûnderwerpen, 

It wurd ‘Leefberens’ stiet grut yn byld. 

It logo fan de provinsje Fryslân komt yn byld. 

It pompebled fan de provinsje Fryslân stiet midden yn byld. Troch it reade part fan it pompebled skowe de ikoanen fan in hûs, in kantoar, in gebou, in hert en in fraachteken. Under it logo stiet it wurd ‘leefberens’. 

Yn it byld stiet is in grut grien flak, wat gers foarstelle moat. It gers wurdt ûnderbrutsen troch paden, dêr't immen oer hurdrint, persoan mei bern en hûn oerhinne rint, in persoan mei aktetas yn it gers stiet en de fûgels oerhinne fleane en in persoan op in giele fyts trochhinne fytst, dy't krúst wurdt troch in bern op in blauwe fyts mei in blauwe helm op. Hielendal achter it gers, is in skyline te sjen fan grutte gebouwen, beammen, huzen en in tsjerkje. Links yn byld stiet in lokaasjepunt. 

It lânskip wurdt útzoome, oant der in giele lânkaart yn byld fan Fryslân ferskynt, dêr’t troch linen alle gemeentegrinzen op te sjen binne. 

De gemeentegrinzen ferdwine, de kaart bliuwt, en wurdt folle mei ikoanen fan ûnder oare in auto, in hert, in pûde jild, in gebou, in tulp en in aktetas. 

De hiele lânkaart ferdwynt en de tekst ‘Wy bouwe oan...’ komt grut yn byld. 

In rûn flak mei in grien lânskip, rôze hoarizon en in wite wolk ferskynt links yn byld. Achter it lânskip is de skyline fan 3 huzen te sjen. Troch it griene lânskip rint in paad, dêr't sprekwolkjes mei de emoji fan in sterke earm, in hertsje en in fleurige smiley te sjen binne. 

Boppe-yn byld stiet de tekst ‘Wy bouwe oan... ’. Rjochts yn byld steane de stekwoarden fan de ûnderwerpen fan de voice-over. 

In nij rûn flak makket plak foar de foarige. De lânskipsopbou is itselde. Der stiet in grut hert trochhinne. It hert kloppet, en der fyts in persoan op in griene fyts achterlâns. 

Wer in nij rûn flak, diskear mei in âlderwetske skeal yn'e midden. 

In grut pompebled ferskynt rjochts yn byld. Ut it pompeblêd wei stekke hannen en earmen dy't nei de ikoanen fan in gemeente, organisaasje en ynwenner stekke. Ut dizze ikoanen wei stekke ek earmen mei hannen, dy't de hannen fan it pompebled fêstpakke. 

It pompeblêd skoot nei de midden fan it byld. Yn it pompeblêd ferskine 3 wite ikoanen fan persoanen. Dêrboppe stiet ‘Ferbine’. Neist de 3 persoanen yn it pompeblêd ferskynt it ikoan fan in gloeilamp, dy't baarne sil. Derboppe komt de tekst ‘Kennis diele’.

De ikoanen meitsje plak foar twa nije ikoanen. In fergrutglês en in útropteken. De tekst ‘wichtige ûntwikkelingen agindearje’ ferskynt derboppe. 

Itselde lânskip mei skyline follet it hiele byld. Der stiet wer minsken yn it gers, rinne oer de paden en mûnen yn de eftergrûn draaie. Der fytst ien mei 2 bern op in bakfyts prominint troch it byld. Boppe it lânskip steane stekwoarden fan de voice-over. 

Twa hannen mei in pompeblêd yn it midden, wat op in hert liket, steane yn it midden fan it byld. Dêrûnder stiet de tekst ‘Leefber Fryslân... no en yn ‘e takomst’. 

It logo fan de provinsje Fryslân ferskynt yn byld mei de tekst ‘Mei dy noch sterker, fryslan.frl/leefbaarheid’ derûnder.