Jongereindebatten
Der binne elk jier trije jongereindebatten yn it Provinsjehûs. Foar ferskate doelgroepen. Dit binne se:
MEP-konferinsje (foarhinne Frysk Jeugd Parlemint)
Oan de MEP-konfersinje kinne 52 skoalbern meidwaan, ferdield oer in oantal skoallen. Elke skoalle makket in fraksje fan sawat acht learlingen út 4 hafû of 4/5 twû.
Dy fraksjes moatte stânpunten ynnimme oer ûnderwerpen dy’t op ‘e aginda stean en dêr mei elkoar oer yn petear. De dielnimmers leare praktysk en teoretysk hoe’t polityk wurket. De regionale MEP-konferinsje tsjinnet tagelyk as foarronde foar de nasjonale MEP-konserinsje.
De organisaasje leit by in trijetal âld-dielnimmers. Oanmelde kin fia mepfriesland@gmail.com. Bist in âld-dielnimmer fan it MEP en/of FJP en wolst meihelpe by de organisaasje? Meld dy dan ek oan!
- Kosten: Fergees (útsein reiskosten en dielname oan MEP nasjonaal)
- Tiidsynvestearring: trije dagen
- Lokaasje: Provinsjehûs
- Doelgroep: Klasse 4 hafû & klasse 4/5 twû
De Stim fan Jong Nederlân
Jierliks dogge der goed 200 skoallen yn it middelber ûnderwiis en mbû mei oan de grutste debatkompetysje fan Nederlân: De Stem van Jong Nederland. Yn jannewaris, febrewaris en maart fine de foarrondes plak, ûnder oare yn it Provinsjehûs. De finale is yn de maaitiid en wurdt útstjoerd op NPO2. De organisaasje leit by it Debatburo. Mear ynformaasje fia: ownhlagerhuis.nl/ of De Stem van Jong Nederland | De grootste debat- en speechwedstrijd van Nederland!
Provinciaal Jeugddebat
Elk jier organisearret de NJR (Nationale Jeugdraad) it Provinsjaal Jeugddebat. Jongerein tusken de 12 en 18 jier fan alle skoaltypen gean hjirby yn debat oer ferskate provinsjale tema's. Uteinlik wurde der tolve jongerein útkeazen dy't trochgean nei it Nasjonaal Jeugddebat yn de Twadde Keamer. Mear ynformaasje: www.njr.nl/nl/projecten/nationaal-jeugddebat/
Provinsjaal Jeugddebat 2026
Ek dizze hjerst wurdt der yn de provinsje wer in Provinsjaal Jeugddebat organisearre út de Nasjonale Jeugdried (NJR) wei! Yn de provinsje sil it provinsjale debat plakfine op datum 2026. Jongerein kin him fia de folgjende link oanmelde: https://jeugdraad.typeform.com/pjd2026.
Wat is it?
It Provinsjaal Jeugddebat is in dei wêrop't + / - 50 jongeren nei it provinsjehûs ta komme om mei provinsjale politisy yn petear te gean oer maatskiplike tema's. Op dizze dei steane twa doelen sintraal: it fergrutsjen fan de stim fan jongerein yn de provinsjale polityk én it ûntwikkeljen fan de sterke punten fan de jongerein dy't meidogge. Tink bygelyks oan it presintearjen leare en / of argumintearjen!
Wa is wolkom?
Dizze dei is spesjaal foar jongeren fan 12 oant en mei 18 jier dy't graach meitinke wolle én meiprate oer maatskiplike tema's. Dêrom nûgje wy alle jongerein fan vmbo, havo, vwo & mbo út om in dei plak te nimmen yn it provinsjehûs, en mei politisy yn debat te gean. Hawwe jo learlingen ek altyd it heechste wurd? Of binne se krekt hiel kreatyf? Wy binne op syk nei doggers en tinkers! Wy leauwe der nammentlik yn dat je mei-inoar ta de bêste ideeën komme. Underfining mei polityk of debattearjen is net nedich. Troch goede begelieding en tagonklike wurkfoarmen soargje wy derfoar dat elkenien syn stim hearre litte kin!
N.B. Wy hawwe plak foar + / - 50 jongeren de provinsje. By mear oanmeldingen wurdt der in ferskate groep jongeren selektearre.
Trochstream Nasjonaal Jeugddebat
Njonken dat de dielname oan it Provinsjaal Jeugddebat in aardige en learsume ûnderfining is, krije jongeren ek in kâns om troch te streamen nei it Nasjonaal Jeugddebat. Ut it provinsjale trajekt wei kinne dielnimmers har oanmelde foar it nasjonale trajekt, wêrnei’t sa'n 120 jongeren út hiel it lân harren stim út harren provinsje fertsjintwurdigje meie by it Nasjonaal Jeugddebat yn April yn de Twadde Keamer. De jongeren dogge mei oan in tariedingstrajekt mei workshops, tariedingsdagen en in leuk en learsum dielnimmerswykein wêrby't se de oare dielnimmers moetsje en mei-inoar it debat tariede sille!
Ofbylding mei persoan, Minsklik gesicht, frou, klean
Troch AI generearre ynhâld is mooglik ûnwier.
Yn it koart:
- Wat it Provinsjaal Jeugddebat jongerein biedt:
- Aktyf meitinke oer maatskiplike tema's en provinsjaal belied;
- Leeftiidsgenoaten út de provinsje moetsje;
- Yn 'e kunde komme mei de polityk;
- Untwikkeljen fan eigen sterke punten;
- En dat allegearre fergees en leechdrompelich, der hoecht neat taret te wurden en de lunch is regele!
Dan net alhiel ûnbelangryk, de links nei oanmelden foar:
Jongeren - https://jeugdraad.typeform.com/pjd2026.
Dosinten - https://jeugdraad.typeform.com/docenten2026.