Foar iepenloftspullen dy't útfierd wurde yn de simmerperioade 2024 is fan 26 febrewaris 2024 ôf oant en mei 26 april 2024 de regeling Iepenloftspullen iepensteld.

In iepenloftspul is in Frysktalige (muzyk)teaterproduksje of in (muzyk)teaterproduksje yn in Fryske streektaal dy't yn de iepen loft plakfynt yn de perioade maaie o / m septimber.

De betingsten

Foar iepenloftspullen dy't útfierd wurde yn de simmerperioade fan 2024 kin yn de iepenstellingsperioade fan 26 febrewaris 2024 ôf in subsydzje-oanfraach yntsjinne wurde. Wichtich is dat it iepenloftspul út de lokale mienskip wei ta stân komt en dat de spilers begelaat wurde troch professionals. De toetsingskritearia kinne jo fine yn paragraaf 3.4 fan de Subsydzjeregeling kultuer en mienskip Fryslân(eksterne keppeling).

Hichte fan it subsydzje

De regeling is bedoeld foar stichtings en ferienings dy’t al ris earder in iepenloftspul produsearre hawwe. It subsydzje bedraacht op syn meast 50% fan de subsidiabele kosten, mei in maksimum fan € 10.000,-.

Advyskommisje

Foar de oanfraachronde yn 2024 is it subsydzjeplafond(eksterne keppeling) fêststeld op € 100.000,-. As bliken docht dat wy mear geskikte oanfragen krigen hawwe as dat der jild te ferpartsjen is, skeakelje wy de advyskommisje Kultuer yn. De kommisjeleden skôgje it projektplan dan op artistike kwaliteit en se sille ek sjen nei de oarspronklikens en de sizzenskrêft fan de produksje. It beskikbere bedrach wurdt dêrnei ferparte yn ’e folchoarder fan de rangskikking. Soe it te ferlienen subsydzjebedrach foar alle gaadlike oanfragen mei-inoar leger wêze as it subsydzjeplafond, dan hoecht de kommisje net gear te kommen. 

Ynformaasje

Foar fragen oer de regeling kinne jo kontakt opnimme mei de provinsje Fryslân, telefoannûmer 058 - 292 59 25 of fia de mail provincie@fryslan.frl. 

Oanfraachformulier

Tink derom: meikoarten kinne jo jo oanfraach foar dizze regeling digitaal yntsjinje. Dêrfoar hat jo DigiD (as partikulier) of eHerkenning (as ûndernimming) nedich. 

Sjoch hjir foar mear ynformaasje.

Neidat jo mei DigiD of eHerkenning ynlogd binne, kinne jo jo oanfraach tuskentiids opslaan en letter (binnen 5 dagen) opnij iepenje.