Biobased Brêge Ritsumasyl

Begjin 2020: mei in biobased brêge oer it Van Harinxmakanaal by Ritsumasyl is de provinsje Fryslân in ynnovative dyk ynslein. De nije fytsbrêge op dizze lokaasje fasilitearret it feilich en komfortabel passearjen fan klasse Va skippen troch it realisearjen fan in trochfeartbreedte fan 17 meter. De eardere brêge wie oan de ein fan de technyske libbensdoer.

Doetiids deputearre Michiel Schrier: 

“Wy hawwe hjir in prachtich proses trochrûn mei opdrachtjouwer, oannimmer, produsint en kennisynstellings. Dat hat in moai plan opsmiten dêr't ynfrastruktuer, sirkulêre ekonomy, ynnovaasje en kennisûntwikkeling yn gearkomme. Dêr meie wy as provinsje grutsk op wêze.”

Live data

Op ûndersteande link (klik op de foto) besjogge jo alle gegevens fan de brêge op dit momint.

Een animatietekening van de biobasedbrug Ritsumasyl waar stipjes op aangegeven staan van het verkeer.

Media

In soad stelde fragen 

Flaaks? Kinst dêr mei bouwe dan? Lês hjir ús FAQ, de faak stelde fragen! 

Giet it biokomposyt dek ferrotsjen? Ferkleuret it dan ek? En hoe hurd giet dat?

De hars beskermet de fezels by goede ympregnaasje. It ferrotte en kleuret dus net. 

Biologysk materiaal... sille der dan bistjes oan rinne te gnagen?

De bistjes krije gjin kâns by dizze brêge, want de hars beskermet de fezels hjir tsjin. 

Hoe reagearret it materiaal op struisâlt?

De hars is bestân tsjin struisâlt.

Wat kinst nei 50 jier mei dit materiaal, is it werbrûkber?

Nei 50 jier kinne wy fan dit materiaal noch fuotgongerspaadsjes, stegers en planken ensfh. meitsje. 

Kinst in skansearring, lykas in kras of in sneed herstelle?

Ja, troch fuortskuorren en opnij laminearjen. 

Hecht in coating op dit fal en is it oerskilderber?

Ja, want de coating hechtet oan hars. 

Kin it materiaal brâne?

Nee, út testen die bliken dat it materiaal net brânber is.  

Wat is de útsetting fan it materiaal by waarm waar? Sil de brêge dan klemme?

By it ûntwerp is rekken hâlden mei útsetting fan it materiaal. 

Socht it materiaal, bygelyks by waarm waar?

Nee, alteast net by ús bekend. 

Binne der risiko's yn ôfname fan de hechting mei de slytlaach (bygelyks troch focht, rotting, temperatuer ensfh.)?

De hechting wurdt troch de hars bepaald en dêrfan is de hechting mei de slytlaach goed. 

Wat bart der as in skea langere tiid net reparearre wurdt? Kin der focht komme en wat bart der dan?

By skea kin der focht nei binnen lûke. Dat beheint him lykwols ta it skeagebiet. Dizze skea kin goed wersteld wurde. 

Is de konstruksje gefoelich foar wurgens, lykas by iepengean en sluten fan de brêge?

Nee konstruksje is sa opboud dat de spanning ûnder wurgens hiel leech bliuwt. 

Teste op full skale proefstik hawwe oantoand dat 100 jier wurgens gjin inkel probleem is. 

Hoe hurd is it materiaal? Tupperware-achtich of staalachtich?

It materiaal sit tusken beide yn, dus in bytsje bûchsum, mar wol sterk. 

Wat is de gewichtsreduksje, CO2 reduksje en enerzjy-reduksje neffens in stielen dek en wat de keunststof komposyt dek oangiet?

Dêrfoar wurdt in Levenscyclusanalyse (LCA) útfierd. Yn fergelyk mei stiel is der in grutte winst en wat komposyt oangiet is der noch CO 2 - reduksje en enerzjyreduksje. 

Is der minder, gelyk of mear ûnderhâld nedich as by in stielen dek?

Yn it algemien minder, omdat der gjin rustfoarming optreedt. De coating moat yn de libbensdoer fan 50 jier wol in kear fernijd wurde. De slytlaach sil fernijd wurde moatte, mar hat in bettere hechting as oan stiel. 

Wat is de ferwachte libbensdoer fan de brêge?

It dek hat in ferwachte libbensdoer fan 50 jier. 

Is it materiaal gefoelich foar ferâldering, lykas ozon, UV-licht, temperatuer? En wat bart der dan? (bygelyks brosser, ferkleuring etc)

Ozon en UV-licht wurde troch de coating opfongen, wêrtroch't it materiaal derûnder beskerme is. De ynfloed fan temperatuer wurdt yn de ferâlderingstesten meinommen. 

Kinst oan it materiaal sjen dat it biokomposyt is? Oftewol: Wikt it uterlik ôf fan ‘normale’ komposyt dekken?

As in coating en in slytlaach oanbrocht wurde is it feitlik net mear te sjen. De randeleminten wurde mei in transparante coating útfierd, sadat it biokomposyt materiaal dêr wol goed te sjen is. De beskerming tsjin UV-ljocht fan in transparante coating is wol minder. 

Kin it materiaal elke winske kleur krije troch tafoeging fan kleurstoffen?

Yn prinsipe kin de hars fan pigmint foarsjoen wurde, wêrtroch't it biokomposyt in kleur krije kin. 

Yn hoefier bliuwt flaaks (de fezels) syn eigenskippen behâlden?

Elke plantesoart/gewaaks fergiet yn de rin fan de tiid oft it no yn oanrekking komt mei wetter of útdrûget troch de waarmte/sinne. By útdrûging wurdt it materiaal earst bros/fragyl en fergrist úteinlik (seker nei it rispjen). De ferâlderingsboarnen binne bekend: UV, ozon, temperatuer en wetter. Yn alle gefallen wurde molekulen fan it materiaal ôfbrutsen. Beskerming hjirtsjin wurdt bean troch de coating (UV en ozon) en troch de hars (temperatuer en wetter). De lêste wurdt yn de ferâlderingstesten ûndersocht. 

Is it materiaal maklik te skeinen?

Ferlykber mei komposyt. 

Nimt it materiaal wetter op, lit it wetter troch of is it floeistofticht?

By goede ympregnaasje en ôfwurking kin wetter allinnich fia diffúzje yn it materiaal reitsje. Dit is in stadich proses mei lytse hoemannichten. Dit wurdt yn de ferâlderingstesten neier ûndersocht. 

Hoe wurdt der omgien mei (anty)graffity?

Der komt in anty-graffity leech op de brêge, sadat eventuele graffity rap fuorthelle wurde kin. 

Hoe reagearret it materiaal op basiyske stoffen (skjinmakprodukten by bgl. it fuortheljen fan graffity)?

De coating en hars binne hjir tsjin bestân. 

Hoe reagearret it materiaal op agressive stoffen, lykas soeren?

De hars en coating binne foar in soad foarkommende soeren bestân. 

Hoe reagearret it materiaal op waarmte y.c.m. bygelyks it oanbringen fan in slytlaach?

De hars is bestân tsjin 60 graden Celcius.