Begruttingssubsydzjes

Deputearre Steaten binne foarnimmens in begruttingssubsydzje te ferlienen oan LDODK foar de organisaasje fan it WK kuorbal 2027 yn Fryslân, dat plakfynt fan 15 oant en mei 25 oktober 2027, mei De Gordyk en Drachten as twa fan de tolve boarterspêden en mei aktiviteiten lykas clinics, jeugdaktiviteiten, workshops en moetings mei spilers, rjochte op it fersterkjen fan de gearwurking tusken Fryske sportferienings, it aktyf meitsjen fan de maatskiplike belutsenens fan de maatskiplike belutsenens en ynwenners. It maksimale subsydzjebedrach bedraacht € 20.000, -. 

Op basis fan artikel 2, twadde lid, sub c, ûnderdiel v, fan de Beleidsregel meitingingsproseduere begruttingssubsydzjes provincie Fryslân is fêststeld dat LDODK de iennige serieuze gadingmakker is. 

Motivearring

LDODK treedt op as pinfierder fan de subsydzje-oanfraach foar de Fryske organisaasje fan it WK kuorbal 2027. LDODK hat út namme fan Fryslân it inisjatyf naam om it WK nei de regio te heljen en hat it oarspronklike bid yntsjinne by de lanlike WK-organisaasje en it KNKV. Ut dizze rol wei hat LDODK de kontakten ûnderholden mei gemeenten, kuorbalferieningen en oare partners. 

Nei de oanwizing fan Nederlân as gastlân hat LDODK him as earste meld as kandidaat-boartersplak. Ut dit inisjatyf wei is de gearwurking mei oare Fryske ferieningen en gemeenten fierder ûntwikkele, wat laat hat ta de oanwizing fan De Gordyk en Drachten as offisjele boartersplakken. 

LDODK beskikt oer in spesifyk opboud en unyk netwurk fan de lanlike 

WK-organisaasje, it KNKV, belutsen gemeenten, Fryske kuorbalferieningen en oare partners. LDODK ferfollet binnen dit netwurk fan it begjin ôf de inisjiearjende en koördinearjende rol en foarmet de ferbinende skeakel tusken de lanlike organisaasje en de belutsen partijen yn Fryslân. 

De oare belutsen ferienings, wêrûnder KV Drachten, KV Mid-Fryslân en 

KV Hearrenfean, drage aktyf by oan de útfiering fan it programma en de organisaasje fan side events, mar ferfolje net deselde oerkoepeljende posysje. In oare partij kin de posysje fan LDODK net sûnder oerdracht en werynrjochting fan de besteande relaasjes en gearwurking oernimme. 

Gelet op de unike posysje fan LDODK binnen it opboude netwurk en de besteande gearwurkingsrelaasjes wurdt LDODK as iennige serieuze gadingmakker foar dizze begruttingssubsydzje oanmurken. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 11-08-2026
• Uterste reaksjedatum: 06-10-2026

Deputearre Steaten binne foarnimmens in begruttingssubsydzje te ferlienen oan Stichting Bevrijdingsfestival Fryslân foar it organisearjen fan it Befrijingsfestival Fryslân, rjochte op in oantreklik en leechdrompelich popkultureel oanbod mei in soad omtinken foar frijheid, demokratyske wearden en boargerskip en resultearjend yn de organisaasje fan it Befrijingsfestival Fryslân. It maksimale subsydzjebedrach is € 65.000,-. 

Op grûn fan kêst 2, twadde lid, sub c, ûnderdielen i, iii en v, yn gearhing mei kêst 2, tredde lid, sub c, fan de Beliedsregel meitingingsproseduere begruttingsssubsydzjes provinsje Fryslân is fêststeld dat Stichting Bevrijdingsfestival Fryslân de iennichste serieuze gadingmakker is. 

Motivearring 

It Befrijingsfestival Fryslân is yn de provinsje unyk yn syn soart, omdat it in oantreklik en leechdrompelich popkultureel oanbod kombinearret mei in gaadlik omtinken foar frijheid, demokratyske wearden en boargerskip. Stichting Bevrijdingsfestival Fryslân beskikt oer de spesifike kennis en ekspertize dy't nedich binne om dizze kombinaasje foarm te jaan en it festival te organisearjen. 

Foar de útfiering fan it Befrijingsfestival Fryslân is in evenemintefergunning needsaaklik. De begruttingssubsydzje wurdt pas ferliend nei't de foar it oanbelangjende festival needsaaklike fergunning oan Stichting Bevrijdingsfestival Fryslân ferliend is. Dêrmei stiet op it momint fan subsydzjeferliening objektyf fêst dat de Stichting beskikt oer de needsaaklike fergunning foar de konkrete te subsidiearjen aktiviteit. De fergunning slacht op de organisaasje fan dit konkrete evenemint. Oare partijen kinne de subsidiearre aktiviteit net útfiere op basis fan de oan de Stichting ferliende fergunning. 

De organisaasje fan in befrijingsfestival is fergunningstechnysk kompleks en freget nauwe ôfstimming mei de belutsen gemeente. Stichting Bevrijdingsfestival Fryslân hat yn it ferline oantoand jierliks oer de foar it festival needsaaklike fergunningen beskikke te kinnen. 

Hoewol't de 14 befrijingsfestivals yn Nederlân ûnôfhinklik organisearre wurde, is sprake fan nauwe gearwurking ûnder de flagge fan it Nasjonaal Komitee 4 en 5 maaie. Dat komt ta útdrukking yn in mienskiplike hússtyl en in foar in part dielde programmearring, wêrûnder de saneamde ‘Ambassadeurs van de Vrijheid’. Yn Fryslân makket allinnich Stichting Bevrijdingsfestival Fryslân diel út fan dit ferbân. Dêrmei beskikt de Stichting oer in unyk netwurk dat needsaaklik is foar de organisaasje fan it Befrijingsfestival Fryslân binnen dit lanlike ferbân. 

Dêrneist is sprake fan in besteande gearwurking en in langduorjend partnerskip. De provinsje Fryslân ferlient al mear as 10 jier jierliks subsydzje oan Stichting Bevrijdingsfestival Fryslân foar de organisaasje fan it Befrijingsfestival Fryslân. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 13 augustus 2026 
• Uterste reaksjedatum: 8 oktober 2026

Deputearre Steaten binne foarnimmens in begruttingssssubsydzje te ferlienen oan Stichting Veteranendag Friesland foar de organisaasje fan de jierlikse provinsjale feteranedei, rjochte op yn Fryslân weneftige feteranen en resultearjend yn de jierlikse provinsjale Feteranedei. It maksimale subsydzjebedrach bedraacht € 39.648,-. 

Op grûn fan kêst 2, twadde lid, sub c, ûnderdiel v, yn gearhing mei kêst 2, tredde lid, sub c, fan de Beliedsregel meitingingsproseduere begruttingssubsydzjes provinsje Fryslân is fêststeld dat Stichting Veteranendag Friesland de iennichste serieuze gadingmakker is. 

Motivearring

De provinsjale feteranedei is in evenemint foar in spesifike doelgroep: yn Fryslân wenjende feteranen. Om dizze doelgroep jierliks útnûgje te kinnen, binne NAW-gegevens nedich. Stichting Veteranendag Friesland beskikt sels net oer alle nedige NAW-gegevens en wurket dêrom gear mei it Nederlands Veteraneninstituut en alle Fryske gemeenten, dy't oer dizze gegevens beskikke. 

De besteande gearwurking mei it Nederlands Veteraneninstituut en de Fryske gemeenten is dêrmei essinsjeel om de doelgroep wier rjochte berikke en útnûgje te kinnen. In oare partij beskikt net sûnder mear oer dizze gegevens en kin de besteande gearwurking en tagong ta de doelgroep net sûnder mear oernimme. 

Dêrby is sprake fan in langduorjende gearwurkingsrelaasje. De provinsje Fryslân ferlient al mear as tsien jier subsydzje oan Stichting Veteranendag Friesland foar it organisearjen fan de jierlikse provinsjale feteranedei. De Stichting ûnderhâldt yn dat ramt it netwurk en de gearwurking dy't nedich binne om de spesifike doelgroep te berikken. 

Troch de kombinaasje fan it unike netwurk, de bysûndere bining mei de doelgroep, de needsaaklike tagong ta de NAW-gegevens fia it Nederlands Veteraneninstituut en de Fryske gemeenten en de langduorjende gearwurkingsrelaasje hat Stichting Veteranendag Friesland in spesifike posysje by de organisaasje fan de provinsjale Feteranedei. It is dêrom net oannimlik dat in oare partij dizze aktiviteit op deselde wize útfiere kin en de dêrfoar needsaaklike gearwurking en tagong ta de doelgroep sûnder mear oernimme kin. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 13 augustus 2026 
• Uterste reaksjedatum: 8 oktober 2026

Deputearre Steaten binne foarnimmens om in begruttingssubsydzje te ferlienen oan Popfabryk foar Platform Popcultuur Fryslân foar it organisearjen fan Meet-ups en Werkveldconferenties, de ‘Friese Lente: week van de Friese Popcultuur’, it útfieren fan de Fair Practice in Practice regeling, it organisearjen fan in kursus muzykmanagement en it bydragen oan it oplieden fan kreatyf produsinten, rjochte op it fersterkjen fan de duorsume doelen yn Fryslân. It maksimale subsydzjebedrach is € 166.666, -. 

Op grûn fan kêst 2, twadde lid, sub c, ûnderdielen i en v, yn gearhing mei kêst 2, tredde lid, sub en c, fan de Beliedsregel meitingingsproseduere begruttingsssubsydzjes provinsje Fryslân is fêststeld dat Popfabryk de iennige serieuze gadingmakker is. 

Motivearring 

Platform Popcultuur Fryslân is in breed gearwurkingsferbân fan organisaasjes dy't mei-inoar de ferskate ûnderdielen fan de Fryske popkulturele keten fertsjintwurdigje. Elke partner bringt eigen spesjalistyske kennis, ûnderfining, netwurken en fasiliteiten yn. Krekt de kombinaasje dêrfan is needsaaklik foar de aktiviteiten dêr't subsydzje foar ferliend wurdt, omdat dy aktiviteiten rjochte binne op it struktureel ferbinen en fersterkjen fan de hiele Fryske popketen, talintûntwikkeling en profesjonalisearring fan makkers en it lizzen fan ferbiningen mei Noard-Nederlân en de lanlike popsektor. 

De dielnimmende organisaasjes beskikke elk út harren eigen posysje wei oer spesjalistyske kennis binnen de popkultuer. Friesland Pop, oprjochte yn 1987, is al desennialang in belangrike oanjager, stiper en ferbiner fan de Fryske muzykscene en beskikt oer djipgeande kennis fan it Fryske popfjild. Popfabryk, oprjochte yn 2008, is it iennichste produksjehûs foar popkultuer yn Fryslân en beskikt oer spesifike ekspertize op it mêd fan talintûntwikkeling, produksje en profesjonalisearring. De oare partners folje dy kennis oan út ûnder mear poadia, ûnderwiis, media en kultuerproduksje wei. 

Foar it útfieren fan de aktiviteiten is net allinnich ôfsûnderlike ekspertize nedich, mar krekt de strukturele bondeling fan dy ferskillende saakkundichheden binnen de Fryske popketen. In oare yndividuele organisaasje beskikt reedlikerwize net oer deselde kombinaasje fan spesjalistyske kennis en rollen binnen dy keten en kin de beëage ketenbrede gearwurking dêrom net op lykweardige wize útfiere. 

Platform Popcultuur Fryslân fan it Popfabryk wurdt foarme troch 3 voor 12 / Friesland, Minerva Academie voor Popcultuur, Furda, Poppoadium De Waddenzee, Friesland Pop, Poppoadium Iduna, Poppoadium Neushoorn, Popfabryk, Explore the North en Poppoadium Bolwerk. Dêrmei bringt it platfoarm ferskate skeakels binnen de Fryske popsektor struktureel byinoar. 

It platfoarm ferbynt dizze partners dêrneist oan besteande talintûntwikkelingsprojekten fan NOORD, lykas Hit the North, Up North en Go! De partners drage út harren eigen mooglikheden en funksjes wei by oan Fryske makkers dy't by dy bopperegionale trajekten belutsen binne, bygelyks troch boartersplakken en oefenromte beskikber te stellen, ekspertize en netwurk te bieden en publisiteit te generearjen. Fia de partners besteane dêrneist ferbiningen mei NOORD, POPnl, de Vereniging Nederlandse Poppodia en Festivals (VNPF) en it Landelijk Overleg Productiehuizen (LOP). Dit netwurk is needsaaklik foar it doel fan de subsydzje, omdat de aktiviteiten krekt rjochte binne op gearwurking tusken de ferskate ûnderdielen fan de popketen en op ferbining mei bopperegionale en lanlike netwurken. Oare yndividuele organisaasjes beskikke net oer deselde strukturele kombinaasje fan partners en ferbinings en kinne dêrom reedlikerwize net út in lykweardige netwurkposysje wei útfiering jaan oan de beëage aktiviteiten. 

De partners yn Platform Popcultuur Fryslân hawwe in sterke en langduorjende bining mei de Fryske popsektor en de doelgroep dêr't se foar wurkje. De belutsen organisaasjes binne al jierrenlang aktyf yn Fryslân en ferfolje elk út harren eigen funksje wei in rol binnen de keten fan popmuzyk. Dêrtroch beskikt it platfoarm oer kennis fan it ferlet fan Fryske makkers en oer direkte ferbiningen mei de organisaasjes en foarsjennings dy't nedich binne foar harren ûntwikkeling. 

Dizze regionale ferankering is fan belang omdat de aktiviteiten spesifyk rjochte binne op it fersterkjen fan de Fryske popketen en it fergrutsjen fan de ûntwikkelkânsen en sichtberens fan Fryske makkers. In partij sûnder dy kombinaasje fan besteande posysjes en ferbiningen binnen de Fryske popsektor kin dy funksje earlikerwize net op deselde wize ferfolje. 

Oanfoljend is sprake fan in besteande gearwurking - en subsydzjerelaasje. De Popfabryk krige earder subsydzje foar Platform Popcultuur Fryslân foar 2021 -2024 en foar 2025. Dy besteande relaasje stipet de kontinuïteit fan de gearwurking en de fierdere strukturele fersterking fan de Fryske popketen. 

Mei it each op de kombinaasje fan spesjalistyske kennis, de strukturele bondeling fan ferskate skeakels binnen de Fryske popketen, it unike regionale en lanlik netwurk en de sterke bining mei de Fryske popsektor en doelgroep, beskikt de Popfabryk oer in posysje dy't oare partijen redellikerwize net op lykweardige wize ynnimme kinne. Dêrom wurdt de Popfabryk foar dizze aktiviteiten as iennichste serieuze gadingmakker oanmurken. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 13 augustus 2026 
• Uterste reaksjedatum: 8 oktober 2026

Deputearre Steaten binne foarnimmens in begruttingssubsydzje te ferlienen oan Stichting Forum Groningen voor het voortzetten en verder ontwikkelen van Filmhub Noord, rjochte op it struktureel en duorsum ferankerjen fan filmedukaasje binnen it primêr en fuortset ûnderwiis yn Fryslân, Grinslân en Drinte en resultearjend yn in fersterke posysje fan filmedukaasje binnen it ûnderwiis. It maksimale subsydzjebedrach bedraacht € 50.000,-. 

Op grûn fan kêst 2, twadde lid, sub c, ûnderdielen i en v, yn gearhing mei kêst 2, tredde lid, sub c, fan de Beliedsregel meitingingsproseduere begruttingssubsydzjes provinsje Fryslân is fêststeld dat Stichting Forum Groningen de iennichste serieuze gadingmakker is. 

Motivearring 

Filmhub Noord is in nauwe gearwurking tusken seis kearnpartners: de stipeynstellingen Stichting Kunst & Cultuur, Kunstkade en Keunstwurk en de filmprofessionals Film yn Fryslân, Forum Groningen en Internationaal Filmfestival Assen (IFA). De kombinaasje fan ûnderwiis - en filmekspertize foarmet de krêft fan Filmhub Noard. 

De stipeynstellingen beskikke oer spesjalisearre ekspertize op it mêd fan kultueredukaasje. Hja ferfolje elk in wichtige regionale rol yn de stipe en ûntwikkeling fan kultueredukaasje en stypje út harren wurkgebiet wei it primêr en fuortset ûnderwiis, kulturele organisaasjes en gemeenten by de útfiering, fersterking en ferankering fan kultueredukaasje. 

De filmprofessionals Film yn Fryslân, Forum Groningen en Internationaal Filmfestival Assen binne spesjalisearre yn de dissipline film en beskikke elk oer in eigen ekspertize, netwurk en útfieringspraktyk. Dêrmei bringe hja spesifike kennis en ûnderfining op it mêd fan film yn binnen de gearwurking. Binnen Filmhub Noord wurde dizze ferskillende foarmen fan ekspertize mei-inoar ferbûn. 

De belutsen partijen hawwe ek unike netwurken en langduorjende gearwurkingsferbannen ta harren foldwaan. De stipeynstellings foar kultueredukaasje hawwe in wiidweidich netwurk fan skoallen, kulturele ynstellings, keunstners en oerheden. Dy netwurken rikke sawol binnen as bûten de provinsjale grinzen en meitsje it mooglik om ferbiningen te lizzen, kennis te dielen en inisjativen duorsum te ferankerjen. 

De filmprofessionals beskikke dêrneist oer sterke en goed ûntwikkele netwurken binnen de filmsektor, sawol yn harren eigen provinsje as dêrbûten. Filmhub Noord ferbynt dizze netwurken fan ûnderwiis, kultueredukaasje en film mei-inoar. 

Op lanlik nivo is Filmhub Noord boppedat in aktive partner binnen Netwerk Filmeducatie. Filmhub Noord wurket yntinsyf gear mei de oare filmhubs en Eye Filmmuseum en leveret in aktive bydrage oan ferskate stjoergroepen, it seminar Beeldbekwaam yn it Underwiis en de jierlikse Kennisdei. Hubleiders, projektmeiwurkers en kommunikaasjespesjalisten komme geregeld byinoar om kennis út te wikseljen, ôf te stimmen en ynnovaasje te stimulearjen. Hjirtroch bliuwt Filmhub Noord nau oansletten by lanlike ûntwikkelingen en best practices binnen filmedukaasje. 

Oare partijen kinne ôfsûnderlik beskikke oer kennis fan kultueredukaasje, filmedukaasje of oer relevante netwurken. Sy beskikke reedlikerwize lykwols net oer deselde kombinaasje fan de binnen Filmhub Noord mei-inoar brochte spesjalistyske kennis, regionale ûnderwiis - en kultuernetwurken, netwurken binnen de filmsektor en oansluting op it lanlike Netwerk Filmeducatie. Dy kombinaasje is ûntstien binnen de besteande gearwurking tusken de oanbelangjende kearnpartners en foarmet de basis foar de útfiering en fierdere ferankering fan filmedukaasje yn Noard-Nederlân. 

By de beoardieling is dêrneist de besteande gearwurkingsrelaasje en it langduorjende partnerskip behelle. Filmhub Noord is in strukturele gearwurking tusken de belutsen stipeynstellingen en filmprofessionals yn Fryslân, Grinslân en Drinte en makket lanlik diel út fan it Netwerk Filmeducatie. Dy langduorjende gearwurking draacht by oan de kontinuïteit, gearhing en duorsume ferankering fan filmedukaasje yn Noard-Nederlân. 

Mei it each op de spesjalistyske kennis fan de oanbelangjende partijen, de kombinaasje fan harren unike netwurken en de besteande langduorjende gearwurking is oannimlik dat oare partijen rederlikerwize net oer deselde posysje en gearwurkingsstruktuer beskikke om dizze aktiviteiten op deselde wize út te fieren. Dêrom is Forum Groningen foar dizze begruttingssubsydzje oanmurken as iennichste serieuze gadingmakker. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 13 augustus 2026 
• Uterste reaksjedatum: 8 oktober 2026

Deputearre Steaten binne foarnimmens in begruttingssubsydzje te ferlienen oan Provincie Groningen foar de útfiering fan it programma We the North yn 2027, sa as fêstlein yn de bestjoersoerienkomst We the North 2021 -2028. Dêr binne de neikommende taken yn fêstlein: it fêststellen fan in útfieringsregeling, it fêststellen en bekendmeitsjen fan subsydzjeplafonds, it fêststellen fan oanfraachformulieren, it útfieren fan de mooglike subsydzjeregeling, it behanneljen fan oanfragen en it fieren fan korrespondinsje en beslútfoarming yn oerienstimming mei it advys fan it bestjoerlik NOC, it byhâlden fan de (finansjele) administraasje, it fersoargjen fan de steatsstiperapportaazje oan de Europeeske Kommisje, it behanneljen fan beswier- en beropsskriften en it fieren fan it sekretariaat fan it amtlik en bestjoerlik NOC.

De aktiviteiten binne rjochte op it fersterkjen fan de noardlike regionale kulturele ynfrastruktuer en resultearje yn it mienskiplik fasilitearjen fan netwurken rjochte op talintûntwikkeling yn ferskate artistike dissiplines en fan oare inisjativen dy't bydrage oan it doel, en yn in mienskiplike lobby nei Den Haach op it mêd fan kultuerbelied. It maksimale subsydzjebedrach is € 106.295,- eksklusyf eventuele yndeksaasje. 

Op grûn fan kêst 2, twadde lid, sub c, ûnderdielen iv en v, yn gearhing mei kêst 2, tredde lid, sub c, fan de Beliedsregel meitingingsproseduere begruttingssubsydzjes provinsje Fryslân is fêststeld dat Provincie Groningen de iennichste serieuze gadingmakker is. 

Motivearring 

We the North is in gearwurking tusken sân oerheden: de provinsjes Fryslân, Drinte en Grinslân en de gemeenten Ljouwert, Assen, Emmen en Grins. De ôfspraken oer dizze gearwurking binne fêstlein yn in bestjoersoerienkomst dy't troch alle kolleezjes ûndertekene is. Yn dizze bestjoersoerienkomst is ûnder mear fêstlein dat Deputearre Steaten fan Grinslân administratyf ferantwurdlik binne foar de útfiering fan it programma. 

De aktiviteiten dêr't de subsydzje foar ferliend wurdt hingje streekrjocht gear mei dy yn de bestjoersoerienkomst oan Provincie Groningen tawiisd ferantwurdlikheid. Provincie Groningen beskikt dêrmei oer de foar de útfiering needsaaklike kontraktuele betrekkingen binnen de gearwurking We the North en ferfollet binnen it netwurk fan de sân gearwurkjende oerheden de foar dy útfiering fêstleine rol. Oare partijen beskikke net oer dy posysje dy't yn de bestjoersoerienkomst fêstleine en kinne de oanbelangjende taken dêrom reedlikerwize net binnen de besteande ôfspraken oer We the North útfiere.

Dêrby is ek sprake fan in besteande gearwurkingsrelaasje tusken de sân oerheden. De ynhâld fan it programma is fêstlein yn it Koersdokumint We the North 2021 -2028, dat fêststeld is troch it bestjoerlik oerlis We the North en dêr't yn de bestjoersoerienkomst nei ferwiisd wurdt. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 13 augustus 2026 
• Uterste reaksjedatum: 8 oktober 2026

Deputearre Steaten binne foarnimmens in begruttingssubsydzje te ferlienen oan IVN, Ynstitút foar Natueredukaasje en duorsumens (IVN) foar de útfiering fan de edukaasje-, kommunikaasje- en partisipaasjetaak fan Nasjonaal Park Lauwersmar yn 2027, rjochte op it ûntwikkeljen en fersterkjen fan de natuerlike en lânskiplike kwaliteiten fan it Nasjonaal Park en it stypjen fan de sosjale en ekonomyske funksje en de gastfrijheidsekonomy troch oantreklike foarsjenningen en edukative aktiviteiten dy't oanslute by de kwaliteiten fan it park, en resultearjend yn de koördinaasje en it behear fan aktiviteitesintrum Lauwersnest, it fersterkjen fan de ferbining mei stakeholders, stipe fan frijwilligers en ekskurzjelieders, online kommunikaasje en de útfiering fan ferskate projekten, wêrûnder it programma Junior Rangers, de Natuerskoalle, digitalisearring fûgeltrek leppelbek, bewennerskursus, Dei fan it Nasjonaal Park en Boskwachter Games. It maksimale subsydzjebedrach is € 156.000,-.

Op grûn fan kêst 2, twadde lid, sub c, ûnderdielen i en v, yn gearhing mei kêst 2, tredde lid, sub en c, fan de Beliedsregel meitingingsproseduere begruttingsssubsydzjes provinsje Fryslân is fêststeld dat IVN de iennichste serieuze gadingmakker is. 

Motivearring 

IVN is binnen it Nasjonaal Park Lauwersmar de fêste partner foar kommunikaasje, edukaasje en partisipaasje. De organisaasje beskikt oer spesjalistyske kennis en in lanlik ûntwikkele edukative metodyk dy't spesifyk ynrjochte is foar natuer - en miljeuedukaasje, frijwilligerskoördinaasje en publyksbelutsenheid. 

De subsydzje slacht op in gearhingjend pakket oan aktiviteiten, wêrûnder de koördinaasje fan it aktiviteitesintrum Lauwersnest, stipe fan frijwilligers en ekskurzjelieders, útfiering fan de Natuerskoalle, Junior Rangers, bewennersaktiviteiten, publykskommunikaasje en edukative projekten. Dy aktiviteiten slute fuortendaliks oan op it besteande wurk fan IVN yn it Nasjonaal Park en foarmje in yntegraal ûnderdiel fan de edukaasje - en kommunikaasjestruktuer fan it park. 

Dêrneist beskikt IVN oer in unyk netwurk fan frijwilligers, ekskurzjelieders, skoallen, natuerorganisaasjes en oare gearwurkingspartners dat foar in rige fan jierren opboud en ûnderhâlden is. De effektiviteit fan de aktiviteiten is foar in grut part ôfhinklik fan dit netwurk en fan de besteande gearwurking tusken IVN, Steatsboskbehear, de provinsjes, gemeenten en oare gebietspartners. 

Fierder bestiet tusken de provinsje, Steatsboskbehear en IVN in langduorjende gearwurkingsrelaasje by de útfiering fan kommunikaasje - en edukaasjetaken binnen it Nasjonaal Park Lauwersmar. IVN hat dêr in fêste en komplemintêre rol yn neist Steatsboskbehear. De kontinuïteit fan de edukative programma’s, frijwilligersstruktuer en kommunikaasje is ôfhinklik fan dy gearwurking. Oerdracht oan in oare partij soe liede ta ferlies fan opboude kennis, netwurk en útfieringskontinuïteit en soe de doelmjittige útfiering fan de aktiviteiten yn 2027 behinderje. 

Dêrom kin IVN foar dizze aktiviteiten reedlikerwize oanmurken wurde as de iennichste serieuze gadingmakker yn de sin fan kêst 2 fan de Beliedsregel. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 14 augustus 2026 
• Uterste reaksjedatum: 9 oktober 2026

Deputearre Steaten binne foarnimmens om in begruttingssubsydzje te ferlienen oan Stichting Eurosonic Noorderslag foar it organisearjen en útfieren fan it Popgala NOORD yn 2027, rjochte op it útljochtsjen fan nij en besteand talint út Noard-Nederlân, it fieren fan suksessen fan artysten, bedriuwen, gearwurkingen en projekten út Noard-Nederlân, it stimulearjen fan útsûnderlike fertsjinsten út de popkultuer en muzykyndustry, promoasje fan suksesferhalen fan talint yn de noardlike regio en fersterking, ferduorsuming en ferbûnens fan it netwurk fan it Noard-Nederlânske muzyksysteem, en resultearjend yn it jierliks útrikken fan likernôch 7 awards ta eare fan de noardlike popsektor. It maksimale subsydzjebedrach bedraacht € 9.000,-.

Op grûn fan kêst 2, twadde lid, sub c, ûnderdiel v, yn gearhing mei kêst 2, tredde lid, sub c, fan de Beliedsregel meitingingsproseduere begruttingssubsydzjes provinsje Fryslân is fêststeld dat Stichting Eurosonic Noorderslag de iennichste serieuze gadingmakker is.

Motivearring

Stichting Eurosonic Noorderslag beskikt foar de organisaasje en útfiering fan Popgala NOORD oer in unyk netwurk binnen de Noard-Nederlânske popsektor. Popgala NOORD is in inisjatyf fan Eurosonic Noorderslag en wurdt yn hechte gearwurking mei Kunst & Cultuur Drenthe, Platform Popcultuur Fryslân en de popmuzyk hub NOORD organisearre. Dêrmei binne relevante partijen út de trije noardlike provinsjes binnen it besteande netwurk rûnom Popgala NOORD fertsjintwurdige. Binnen dit gearwurkingsferbân bestiet draachflak foar de rol fan Eurosonic Noorderslag as organisator fan it Popgala NOORD.

Dit netwurk is net allinnich fan belang foar de organisaasje fan it evenemint, mar ek foar it berikken fan de doelstellingen derfan. Troch de gearwurking mei de belutsen partijen út de trije noardlike provinsjes kin talint út hiel Noard-Nederlân útljochte wurde, kinne prestaasjes út de noardlike popsektor breed ûnder de oandacht brocht wurde en kin de ûnderlinge ferbûnens fan it Noard-Nederlânske muzykekosysteem fersterke wurde.

Dêrneist is Popgala NOORD direkt ferbûn oan Eurosonic Noorderslag en fynt it plak by de ôftraap fan it festival. Hjirtroch kin gebrûk makke wurde fan de nasjonale en ynternasjonale oandacht foar de regio dy't op dat stuit oanwêzich is. By ESNS binne muzykprofessionals oanwêzich dy't nij talint skouten wêrmei't se it dêropfolgjende jier wurkje kinne. It giet dêrby ûnder mear om programmeurs fan poadia en festivals lykas Lowlands, Roskilde, Glastonbury en Coachella, mar ek om managers, boekers, plysjes, muzykútjouwers en media, fariearjend fan regionale media en NPO oant Le Monde, WDR, Music Woche en it Amerikaanske KEXP. Dêrtroch is it potinsjele berik fan it Popgala en de ûnderskate artysten flink grutter as allinnich de besikers en professionals dy't fysyk yn Grins oanwêzich binne.

De kombinaasje fan it besteande Noard-Nederlânske netwurk, de strukturele gearwurking mei de belutsen partners en de posisjonearring fan it Popgala NOORD binnen Eurosonic Noorderslag makket de posysje fan Stichting Eurosonic Noorderslag ûnderskiedend. In oare partij beskikt reedlikerwize net oer dyselde kombinaasje fan in al besteand en breed droegen netwurk binnen de trije noardlike provinsjes én de direkte organisatoaryske ferbining mei ESNS en it dêrby hearrende nasjonale en ynternasjonale profesjonele en mediaberik. 

Dêrom is oannimlik dat Stichting Eurosonic Noorderslag as iennichste serieuze gadingmakker yn oanmerking komt foar dizze begruttingskssubsydzje. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is.

• Publikaasjedatum: 26 augustus 2026
• Uterste reaksjedatum: 21 oktober 2026

Deputearre Steaten binne foarnimmens in begruttingssubsydzje te ferlienen oan Stichting Wageningen Research foar it projekt HERBGRAS, rjochte op it ûntwikkeljen en trochûntwikkeljen fan in digitaliseringstoal foar it monitoaren fan de krûderykdom fan Nederlânsk gerslân. De aktiviteiten binne rjochte op it realisearjen fan in betrouber en kosteeffisjint monitoaringsysteem, de trochûntwikkeling fan in kompjûtermodel foar it werkennen fan ûnderskate typen krûderyk gerslân en de fierdere profesjonalisearring fan de tapassing fan privacy- en feilichheidswetjouwing en it advisearjen oer nij databelied. Dit resultearret yn in ferbettere monitoaringsynstrumint dat ûnder oare troch de provinsje Fryslân ynset wurde kin foar monitoaring, bygelyks yn it ramt fan doelstjoering. It maksimale subsydzjebedrach bedraacht € 50.000,-. It giet om in fjouwerjierrich projekt, de provinsjale bydrage sjocht op projektûnderdielen dy't yn 2026 en 2027 útfierd wurde. 

Op grûn fan kêst 2, twadde lid, sub c, ûnderdielen i en v, fan de Beliedsregel meitingingsproseduere begruttingssubsydzjes provinsje Fryslân is fêststeld dat Stichting Wageningen Research de iennige serieuze gadingmakker is

Motivearring

Stichting Wageningen Research is de iennichste serieuze gadingmakker om't de te subsidiearjen aktiviteit allinnich troch dizze partij útfierd wurde kin fanwegen har spesjalistyske kennis, har unike metodiken op it mêd fan it monitoarjen fan krûderyk gerslân en har unike netwurk dat foar dit projekt in konsortium foarme hat. It konsortium bestiet njonken Stichting Wageningen Research út Rabobank, Wereld Natuur Fonds, Vogelbescherming Nederland, Rijksdienst voor Ondernemend Nederland en wurdt mooglik noch útwreide mei ferskate oare bestjoersorganen. 

Binnen it HERBGRAS-projekt kombinearret it konsortium as iennichste fjildmjittingen mei satellytmjittings op lanlike skaal en makket it gebrûk fan in AI-model, it areaalmonitoringsysteem fan de Rijksdienst voor Ondernemend Nederland en unike datasets mei fjildopnamen fan krûderyk gerslân. Dêrneist beskikt Stichting Wageningen Research eksklusyf oer spesjalistyske kennis fan it monitoaren en klassifisearjen fan krûderyk gerslân mei help fan de Q-yndeks en oer unike ekspertize op it mêd fan dataferwurking en algoritmen foar it werkennen fan ûnderskate typen krûderyk gerslân. 

Boppedat beskikt de stichting, tegearre mei har konsortium, oer in unyk netwurk wêryn't ferskate datastromen byinoar brocht wurde kinne. Wageningen Research is boppedat de iennige universiteit yn Nederlân mei wiidweidige ûnderfining yn it opsetten en útfieren fan multydissiplinêre ûndersyksprojekten op it mêd fan krûderyk gerslân mei in brede seleksje oan gearwurkingspartners. 

Mei it each op dizze unike kombinaasje fan spesjalistyske kennis, metodiken en it beskikbere netwurk kinne oare partijen de aktiviteiten dy’t subsidiearje, rediellikerwize net ûnder deselde betingsten útfiere. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is.

• Publikaasjedatum: 1 septimber 2026 
• Uterste reaksjedatum: 27 oktober 2026

Deputearre Steaten binne foarnimmens om foar 2027 en 2028 de boekjiersubsydzje oan Bond Friese Vogelwachten út te wreidzjen mei de koördinaasje en útfiering fan de folgjende trije projekten/ûnderdielen rjochte op de fersterking fan it draachflak foar de beskerming fan greidefûgels yn Fryslân en de feitlike beskerming fan greidefûgels.

• Bewustwurdingskampanje Kuikens in het Land, Poes in de mand: rjochte op it kreëarjen fan in fersterke draachflak foar de beskerming fan greidefûgels yn Fryslân troch op in positive wize it hâlden en dragen fan katteeigeners (húskatten) te beynfloedzjen, sadat katten yn it briedseizoen nachts binnen bliuwe.
• Bewustwurdingskampanje Grutsk op ús Greidefûgels: rjochte op it kreëarjen fan in fersterke draachflak en bewustwurding oer frijwillige greidefûgelbeskerming ûnder boeren. leanwurkers, frijwilligers en oare belutsenen yn Fryslân. Resultearjend yn in bettere beskerming fan greidefûgels en piken en in fersterke draachflak foar frijwillige beskerming fan greidefûgels yn Fryslân.
• Stimulearingspriis Boerelânfûgels: doel fan dizze priis is it beleanen en stimulearjen fan inisjativen dy't de opgroeimooglikheden fan boerelânfûgelpiken befoarderet. Dizze priis wurdt sûnt 2023 jierliks útrikt. De koördinaasje, foardracht, beoardieling en útrikking fan de trije prizen (jildbedrach) fynt plak troch it BFVW tegearre mei in ûnôfhinklike sjuery.

It maksimale subsydzjebedrach dêr't de boekjiersubsydzje yn it jier mei ferhege wurdt is € 150.000. It giet om in boekjiersubsydzje foar 2027 en 2028.

Op basis fan kêst 2, twadde lid, sub c ûnder i. en v. fan de Beliedsregel meitingingsproseduere begruttingssubsydzjes provinsje Fryslân is fêststeld dat Bond Friese Vogelwachten (BFVW) de iennige serieuze gadingmakker is.

Motivearring

Bond Friese Vogelwachten s in organisaasje mei in soad kennis oer de greidefûgels yn Fryslân. De organisaasje beskikt oer spesjalistyske kennis fan it briedgedrach, de monitoaring en beskerming fan greidefûgels en hat romme ûnderfining mei kommunikaasje rjochting frijwilligers en agrariërs. 

Dêrneist beskikt it Bond Friese Vogelwachten oer in unyk en grut netwurk fan fûgelwachten, frijwilligers en agraryske kollektiven yn Fryslân. Dêrneist hawwe sy nau kontakt mei de natuerbehearders, LTO en oare belutsen organisaasjes. Dit netwurk is essinsjeel foar de útfiering fan de projekten en kin net maklik of op koarte termyn troch oare partijen opboud wurde. 

Fierder is der sprake fan in sterke bining mei de doelgroep en regio, mei in besteand gearwurkingsferbân en betrouwen ûnder boeren en frijwilligers. De besteande ynfrastruktuer soarget foar in effisjinte útfiering fan de aktiviteiten sûnder ûnnedige fertraging of ekstra kosten. 

As provinsje Fryslân wurdt al jierren gearwurke mei it Bûn Fryske Fûgelwachten op dit mêd en is mei harren in wurkwize ûntwikkele om ek de greidefûgels bûten it wurkfjild fan it ANLb te beskermjen en behâlden. Dêrneist wurdt al jierren gearwurke om it draachflak foar de beskerming fan greidefûgels yn Fryslân te fersterkjen. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 2 septimber 2026
• Uterste reaksjedatum: 28 oktober 2026

Deputearre Steaten binne foarnimmens om in begruttingskssubsydzje foar de perioade 2020 -2029 te ferlienen oan Bûn Fryske Fûgelwachten foar it ekstra stypjen fan lokale fûgelwachten yn Fryslân by de greidefûgelbeskerming mei help fan it lokalisearjen fan greidefûgelneste - en piken mei help fan in greidefûgeldrone. 

Dêrfoar wurde 20 greidefûgeldrones oanskaft (ynkl. software) en wurdt it gebrûk dêrfan troch de fûgelwachten koördinearre troch it BFVW, en ek it oplieden fan 80 dronepiloaten. Beëage resultaat: stipe frijwillige greidefûgelbeskerming om sa in positive bydrage te leverjen oan de greidefûgelstân. It maksimale subsydzjebedrach is € 500.000. 

Op grûn fan kêst 2, twadde lid, sub c ûnder i. en v. ~~~ fan de Beliedsregel meitingingsproseduere begruttingssubsydzjes provinsje Fryslân is fêststeld dat Bûn Fryske Fûgelwachten (BFVW) de iennige serieuze gadingmakker is. 

Motivearring

It Bûn Fryske Fûgelwachten is in organisaasje mei spesjalistyske kennis op it mêd fan greidefûgels en (frijwillige) beskerming yn Fryslân. Sy koördinearret de behearmonitoring en frijwillige greidefûgelbeskerming yn Fryslân. 

De lokale Fryske fûgelwachten binne oansletten by it BFVW en dêrmei ek de +/- 3000 frijwilligers dy't harren ynsette foar it beskermjen en monitoaren fan de greidefûgels. Hjirtroch hat it BFVW in breed netwurk fan minsken dy't foar harren yn it fjild yn byld bringe wêr't greidefûgels briede en wêr't ynset fan it opspoaren fan nêsten en piken mei help fan in greidefûgeldrone nedich is. 

Dêrneist hat it BFVW spesjalistyske kennis en ûnderfining mei it koördinearjen de ynset fan greidefûgeldrones en oplieden fan dronepiloaten. 

Der is in besteande ynfrastruktuer en gearwurking oanwêzich wat yneffisjinsje foarkomt. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 2 septimber 2026 
• Uterste reaksjedatum: 28 oktober 2026

Deputearre Steaten binne foarnimmens om in begruttingssubsydzje te ferlienen oan Urgenda foar it oanbieden fan fergees (of tsjin redusearre taryf) siedsied en plantgoed foar boeren foar in tal natuerynklusive lânboumaatregels, lykas siedsied foar krûderyk gerslân of grienbedonger mingsels, rjochte op it tagonkliker meitsjen fan natuerynklusive lânboumaatregels foar boeren en resultearjend yn it bydragen oan klimaatryk, bioryk, en lanlik mêd. It maksimale subsydzjebedrach bedraacht € 20.000,-. 

Op grûn fan kêst 2, twadde lid, sub c, ûnder i, iv en v fan de Beliedsregel meitingingsproseduere begruttingssubsydzjes provinsje Fryslân is fêststeld dat Urgenda de iennige serieuze gadingmakker is. 

Motivearring

De inisjatyfnimmers fan dizze aksje, Urgenda en LTO, hawwe in unike metoade betocht: fia sponsoaren (LVVN, provinsjes, Wetterskippen, gemeenten) ûntstiet der finansjele romte om boeren mei koarting siedsied en plantgoed oan te bieden. Dit wurdt oanbean fia in handige en oersichtlike website. Der is sawol sied foar produktyf krûderyk gerslân as foar ekstinsyf krûderyk gerslân en sa wurdt elk type bedriuwssysteem fasilitearre yn it setten fan de folgjende stap yn de bedriuwsfiering. 

De ôfrûne jierren is de suksesfolle aksje fierder útwreide om noch mear boeren fasilitearje te kinnen. Fan de 1001 ha aksje foar krûderyk gerslân (benammen nuttich foar melkfeehâlders) is der útwreide nei in 1001 ha aksje foar bouboeren (mei grienbedongers, klavers (ûndersiedde) en bioferskate bufferstroken). Ek is der in plantaksje bykaam dêr't plantguod (beammen en strûken) oanbean wurdt tsjin redusearre taryf en advys oer agroforestry oanlis krigen wurde kin. 

De oanfregers hawwe in unyk netwurk sammele fan finansiers (oerheden) en siedleveransiers. Sa wurdt it saaizied hiel oersichtlik en tagonklik oanbean op de 1001 ha aksjewebside.

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 2 septimber 2026
• Uterste reaksjedatum: 28 oktober 2028

Deputearre Steaten binne foarnimmens om in begruttingskssubsydzje te ferlienen oan Stichting Innovatiepact Fryslan (IPF) foar de útfiering fan de aktiviteiten fan it Innovatiepact Fryslan, rjochte op it fersterkjen fan de ynnovaasjekrêft, it ferbetterjen fan it fêstigingsklimaat en it befoarderjen fan takomstbestindige wurkgelegenheid yn Fryslân en resultearjend yn in oantoanbere bydrage oan de regionale ekonomyske ûntwikkeling. It maksimale subsydzjebedrach is € 1.190.000,- eksklusyf eventuele yndeksaasje. It giet om in boekjiersubsydzje foar 2027. 

Op grûn fan kêst 2, twadde lid, ûnder c, sub i en v fan de Beliedsregel meitingingsproseduere begruttingssubsydzjes provinsje Fryslân is fêststeld dat Ynnovaasjepakt Fryslan de iennige serieuze gadingmakker is. 

Der hat earder in publikaasje west fan dizze foarnommen subsydzje. It foarnommen subsydzjebedrach is lykwols heger as yn dy publikaasje stie en dêrom fynt dizze twadde publikaasje plak. 

Motivearring 

It IPF hat in oanjagersrol om de beëage effekten oanslute te litten by de ekonomyske gearwurkingsaginda dy't binnen de triple helix fêststeld is. Dy steane ek yn de beliedsbrief ekonomy beneamd. Hjiryn wurdt wurke oan de trije ambysjes wetter, sirkulêr en mienskip, wêrby't de fokus leit op it fertsjinfermogen fan seis ekonomyske spearpunten. Om soks oanjeie te kinnen út de triple helix wei is spesjalistyske kennis nedich op it mêd fan de spearpunten en it dêromhinne bouwen fan programma’s. Dy kennis is yn de ôfrûne jierren opboud binnen de spesifike kontekst fan Fryslân. De provinsje Fryslân achtet it oannimlik dat oare partijen binnen Fryslân net beskikke oer deselde kombinaasje fan ekspertize, praktykûnderfining en regionale ynbêding dy't needsaaklik is foar de útfiering fan dy aktiviteiten. 

Dêrneist beskikt it IPF oer in breed netwurk fan Fryske wurkjouwers, kennisynstellings, gemeenten en oare publike en private partners dy't belutsen binne by it ekonomyske ekosysteem en wurkje oan de ekonomyske gearwurkingsaginda. Dit netwurk is yn meardere jierren opboud en funksjonearret as in yntegrearre ekosysteem rûnom ynternasjonale kenniswurkers. De provinsje Fryslân achtet it oannimlik dat gjin oare partij binnen de provinsje beskikt oer in ferlykber operasjoneel en regionaal ynbêde netwurk rjochte op ynternasjonale talintmobiliteit. 

It IPF hat boppedat in bysûndere bining mei de doelgroep en regio trochdat de organisaasje spesifyk ynrjochte is op it oanjeien fan de Fryske ekonomyske gearwurkingsaginda. Dit docht it IPF út de triple helix wei. De tsjinstferliening en aktiviteiten wurde mei dizze partijen ôfstimd om gear te wurkjen oan de Fryske ekonomyske doelen. Ut dizze posysje wei hat it IPF in neutrale bining. 

Ta beslút wurket it IPF al lang gear mei regionale partners, wurkjouwers, gemeenten en oare belutsen organisaasjes yn Fryslân en Noard-Nederlân. Dy besteande gearwurkingsrelaasjes binne essinsjeel foar it oanjeien fan en it útfieren fan 'e aktiviteiten binnen de ekonomyske gearwurkingsaginda. Mei it each op it foargeande kin redelikerwize oannommen wurde dat Ynnovaasjepakt Fryslân as iennichste serieuze gadingmakker yn 'e beneaming komt foar dizze begruttingssubsydzje. 

As jo of jo organisaasje miene foar dizze begruttingssubsydzje yn 'e beneaming komme te kinnen, bestiet de mooglikheid om binnen acht (8) wiken nei publikaasje fia it formulier ûnder dit foarnimmen in motivearre reaksje yn te tsjinjen. Dêr ljochtsje jo yn ta wêrom't de beëage subsydzjeûntfanger net de iennichste serieuze gadingmakker is. 

• Publikaasjedatum: 11 septimber 2026 
• Uterste reaksjedatum: 6 novimber 2026