Underhâld slûs Warkum
Op dit stuit fiert de provinsje Fryslân ûnderhâld út oan de slûs yn Warkum. Troch it winterske waar begjin dit jier en in langere levertiid fan materialen kinne net alle wurksumheden neffens de oarspronklike planning útfierd wurde. Dêrom is de planning oanpast. Op dizze side fine jo de meast resinte ynformaasje oer de wurksumheden oan de slûs Warkum.
Betsjinning op ôfrop yn bloktiden fan 23 maart o/m 1 april
De slûs is fan 20 o / m 22 maart ôf wer iepen op ôfrop. Fan 23 maart o/m 1 april ôf wurket de oannimmer oan de geleidewurken fan de slûs. Dan betsjinje wy de slûs by wurkdagen op ôfrop yn ûndersteande bloktiden. Yn it wykein is betsjinjen wy de slûs op ôfrop (sûnder bloktiden).
- tusken 9.30 en 10.00 oere;
- tusken 12.30 en 13.00 oere;
- nei 16.00 oere wer neffens it normale skema.
Yn it peaskewykein, fan tongersdei 2 april o/m 6 april wurdt de slûs normaal betsjinne (net op ôfrop, sûnder bloktiden).
Betsjinning yn bloktiden fan 7 o/m 10 april
Fan tiisdei 7 april o / m freed 10 april bliuwt de betsjinning yn boppeneamde bloktiden jilden. Yn dizze perioade is betsjinning net mear op ôfrop.
Normale betsjinning fan 11 april o/m 10 maaie
Fan 11 april oant begjin maaie ferfange wy de wachtfoarsjenningen oan de stedskant fan de slûs. Hjirtroch kin der tydlik wat hinder wêze foar de skipfeart. De slûs wurdt yn dizze perioade wer normaal betsjinne.
Gjin betsjinning op 11 maaie
Op 11 maaie is de slûs ien dei ticht. Op dizze dei wurde de lytse slûsdoarren werompleatst. Dêrnei is de slûs wer gewoan iepen.
Gjin betsjinning fan 19 oktober oant 27 febrewaris
Nei de Strontrace (12 oktober 2026) en de hjerstfakânsje (10 o/m 18 oktober 2026) rûnten wy it ûnderhâld fierder ôf. Yn dizze perioade herstelle wy it foechwurk fan de slûs en knappe wy de lêste slûsdoarren oan de kant fan It Soal op. Dêrom is de slûs fan 19 oktober oant en mei 27 febrewaris ticht foar skipfeart.
Fragen?
Hawwe jo fragen? Dan kinne jo kontakt opnimme mei de provinsje Fryslân fia provincie@fryslan.frl of telefoanysk fia 058 292 59 25 (moandei o/m freed op kantoaroeren).
