De earste wiziging fan de Omjouwingsferoardening leit no op besjen

De Omjouwingsferoardering is op 22 septimber 2022 en 31 maaie 2023 troch Provinsjale Steaten fêststeld en is op 1 jannewaris 2024 yn wurking gien. Dy oardering wurdt no allinnich noch op ûnderdielen wizige en net mear yn syn gehiel. Sa bliuwt de Omjouwingsferoardening aktueel.

It kolleezje fan Deputearre Steaten hat op 19 maart 2024 it ûntwerp fan de earste wizigingsferoardening fan de Omjouwingsoardering fêststeld. De wizigingen gean benammen oer ûntgrûningen, frijstelling fergunningplicht floara - en fauna-aktiviteit (frijstelling ferjeie guozzen) en de opstelling foar wynturbines en sinne-enerzjy.

It ûntwerp fan dy wizigingsferoardering fine jo hjir en leit ta besjen fan 2 april 2024 oant en mei 13 maaie 2024. Jo fine hjir ek in ferzje fan de totale Omjouwingsoardering dêr 't mei kleur yn oanjûn is wat de foarstelde wizigingen binne.

Jo kinne de wizigingsferoardering ek rieplachtsje fia it Omjouwingsloket.

Jo kinne jo sjenswize yntsjinje

Tusken 2 april 2024 en 13 maaie 2024 kinne jo sjenswizen oer dy wizigingsoardering yntsjinje. Wy krije jo sjenswize leafst online fia ûndersteand webformulier.

Sjenswize yntsjinje

De uterste datum foar it yntsjinjen fan jo sjenswize is 13 maaie 2024. Hawwe jo in fraach? Stel dy oan ús Klantkontaktsintrum: 058 - 292 59 25.

Een bord in een natuurgebied waar op staat Stiltegebied

Tagelyk mei de Omjouwingswet is op 1 jannewaris 2024 de Omjouwingsferoardening Fryslân 2022 yn wurking gien. Dy Oardening slút oan op de ambysjes en opjeften út de Omjouwingsfisy fan de provinsje Fryslân “De romte diele”.

De Omjouwingsferoardering is in digitale feroardering, dy't yn it plak kommen is fan hast alle ferskillende feroarderingen foar de fysike leefomjouwing dy't de provinsje no hat. Tink oan: de Feroardering Romte, Wetterferoardering, Farwegeferoardering, Wegenverordening, Milieuverordening, Verordening wet Natuurbescherming ensfh. De measte feroarderingen binne ferfallen op it stuit dat de Omjouwingsferoardening yn wurking gie.

Regels út ferskate feroarderingen steane yn ien dokumint, foar mear oersjoch.

Taheakken en Kaarten dy't by de omjouwingsferoardering hearre

Fraach/melding omjouwingswet

Dokuminten

Hawwe jo problemen mei de lêsberens? Dan kinne jo in formulier ynfolje of belje mei it Klantkontaktsintrum. Sy helpe jo graach fierder.