Omjouwingsfisy Fryslân

De Provinsjale Omjouwingsfisy 

“In werkenber Fryslân, klear foar de takomst”

It kolleezje fan Deputearre Steaten fan Fryslân hat it definitive foarstel foar de Provinsjale Omjouwingsfisy fêststeld en leit dy foar oan Provinsjale Steaten. Yn dy fyzje stiet hoe't de provinsje oant 2050 omgean wol mei de romte yn Fryslân. De opjeften binne grut. Fan it wenningtekoart en de enerzjytransysje oant it stikstoffraachstik en in feroarjend klimaat. Der is net genôch romte om alles in plak te jaan. Net alles kin oeral. Dêrom makket de provinsje yn dizze fyzje karren. 

De fyzje wurket ta nei ien byld, in werkenber Fryslân dat klear is foar de takomst. Mei sterke stêden en doarpen yn in lânskip fan wrâldklasse en in goed libben foar elkenien yn de hiele provinsje. 

De ambysjes yn de Ontwerp Omgevingsvisie wurde ynfolle oan de hân fan fjouwer bewegingen: 

1. Nei in skjinne, sûne, ynklusive en feilige leefomjouwing mei identiteit;
2. Nei in sterke lânbou en natuer yn in klimaatbestindich Fryslân; 
3. Nei fitale stêden en doarpen yn in ferbûn Fryslân;
4. Nei in fossylfrije en sirkulêre maatskippij. 

Foar de taljochting op de ambysjes en dy bewegingen ferwize wy jo nei de ynhâld fan de Provinsjale Omjouwingsfisy.

Op besjen lizzen

De provinsje makke de fyzje tegearre mei oaren. Gemeenten, Wetterskip Fryslân, maatskiplike organisaasjes en ynwenners hawwe meitocht. Ek lei de Provinsjale Untwerp Omjouwingsfisy en byhearrende dokuminten fan 11 maart oant en mei 21 april 2026 op besjen. Ynwenners en organisaasjes koene yn dy perioade de plannen besjen en harren miening jaan yn in sjenswize. Dizze sjenswizen hawwe in antwurd krigen yn de reaksjenota. Dêryn stiet ek oft in sjenswize wat feroare hat yn de fyzje.