N359 Boalsert-West
BAM infra bout foar provinsje Fryslân en gemeente Súdwest-Fryslân in nije rotonde mei twa fytstunnels by Boalsert-West. Dy ferfangt aanst it âlde krúspunt mei ferkearsljochten. Sa bouwe wy oan in feilige en goede trochstreaming. Op dizze side kinne jo alles fine oer de stân fan saken, hinder en fasearring.
It projekt yn byld
Dizze fideo lit it ûntwerp sjen fan de rotonde mei twa fytstunnels. Yn it ûntwerp is in ferheging fan it hjoeddeiske krúspunt opnommen. De ferheging is nedich om fytstunnels net te djip te meitsjen. Dat hat as foardiel dat de fytsers har minder hoege yn te spannen trochdat der minder steile hellingen en minder bochten yn de tunnels sitte. Ek is der in bettere trochsjoch foar fytsers en kuierders.
Planning
Foardat wy mei de realisaasjefaze begjinne, moat earst in grut tal kabels en liedingen dat ûnder it krúspunt ferpleatst wurde. Sadree't dat klear is starte wy mei de oanlis fan de ovonde. Nei ferwachting is de ovonde yn de hjerst fan 2026 klear.
Yn 2026 updaten wy de webside mei in planning en wurdt der op'e nij in ynformaasjegearkomste pland. Jo kinne op'e hichte bliuwe fia de nijsbrief, jo fine hjirûnder in oanmeldlink.
Foarearst is de folgjende planning ôfpraat:
- Oktober oant febrewaris 2026 – Tariedende wurksumens kabels en liedingen en grûnwurk
- Maart 2026 – Publikaasje hinder, omliedingen en fasearring fia De BouwApp en webside
- Mei 2026 – Start útfiering troch BAM Infra Wegen
- 3 july 19.00 oere o/m 27 july 2026 6:00 oere – folsleine ôfsluting krusing
- 27 july 06.00 uur o/m 17 augustus 2026 6:00 oere – ôfsluting oanslutingen Twibaksdyk – Harnzerstrjitte – Tsjerkwerterwei (rjochting Boalsert)
- Neijier 2026 – oplevering fytstunnels en ovonde.
Op 'e hichte bliuwe?
Wolle jo op de hichte bliuwe fan de wurksumheden oan de N359? Meld jo dan hjirûnder oan foar de digitale nijsbrief. Yn it ramt fan duorsumens ferstjoere wy tenei gjin nijsbrieven mear op papier mar fia de mail. Hawwe jo gjin e-mailadres of wolle jo leaver de nijsbrief op papier ûntfangen bliuwe? Nim dan kontakt op mei it klantkontaktsintrum fia 058 - 292 59 25 om in papieren nijsbrief oan te freegjen.
Lês hjir de meast resinte nijsbrief.
Kontakt
Hawwe jo fragen oer dit projekt? Dan kinne jo kontakt opnimme mei ús klantkontaktsintrum fia provincie@fryslan.frl of belje nei 058 - 292 59 25 fan moandei oant en mei freed op kantoaroeren.
App wurksumheden BAM Infra Wegen
Spesjaal foar it wurk dat BAM útfiert hawwe se in bouwapp. Dy is net fan de provinsje Fryslân mar fan BAM. Foar alle ynformaasje en fragen oer de útfiering kinne jo dy app downloade en dêryn sjen.
- Download de BouwApp fia de QR-koade.
- Gean nei ‘Ontdek’
- Sykje en selektearje yn de BouwApp de projektnamme ‘N359 Bolsward-West’
- Selecteer ’Toevoegen aan favorieten’
- Jo krije dan alle ynformaasje oer dit projekt
- https://debouw.app/projects/n359 - bolsward-west
Meast stelde fragen in antwurden (Update desimber 2025) oanpak it krúspunt N 359 Boalsert-West
Wêr steane wy no?
It projekt sit yn de realisaasjefaze. De tariedende wurksumheden rinne no. BAM Infra Wegen start mei de útfiering yn maaie 2026.
Wat is it ûntwerp?
It lykflierse krúspunt mei ferkearsljochten feroaret yn in ovonde mei twa fytstunnels der ûndertroch. Auto’s en fytsers/fuotgongers hoege inoar net mear te krusen wêrtroch't de ferkearsfeiligens ferbetteret. De ovonde soarget foar in flottere trochstream fan it ferkear en ferbetteret de berikberens fan Boalsert. Op de webside steane de ûntwerpen en fisualisaasje fan de ovonde en fytstunnels.
Wa binne ferantwurdlik foar de oanpak fan it krúspunt N 359 Boalsert-West?
Provinsje Fryslân en gemeente Súdwest-Fryslân hawwe yn july 2024 de gearwurking ûndertekene. De provinsje treedt op as lûker fan it hiele projekt. Beide partijen wurkje nau gear om de provinsjale dyk feiliger te meitsjen en de berikberens fan Boalsert te ferbetterjen.
Binne de fergunningen al ferliend?
De omjouwingsfergunning is troch de gemeente Súdwest-Fryslân yn novimber 2025 ferliend.
Wat is de planning fan it wurk?
Foarearst is de folgjende planning ôfpraat:
- Oktober oant febrewaris 2026 – Tariedende wurksumens kabels en liedingen en grûnwurk
- Maart 2026 – Publikaasje hinder, omliedingen en fasearring fia De BouwApp en webside
- Mei 2026 – Start útfiering troch BAM Infra Wegen
- 3 july 19.00 oere o/m 27 july 2026 6:00 oere – folsleine ôfsluting krusing
- 27 july 06.00 uur o/m 17 augustus 2026 6:00 oere – ôfsluting oanslutingen Twibaksdyk – Harnzerstrjitte – Tsjerkwerterwei (rjochting Boalsert)
- Neijier 2026 – oplevering fytstunnels en ovonde.
Wêr moat ik del, as it krúspunt ticht is?
Ofsluting fan de rydbanen wurdt op'e tiid bekend makke yn kranten en op social media. De alternative rûte stiet dêrby op in plattegrûn oanjûn. Ek jouwe ferkears- en omliedingsbuorden teplak oan wêr't jo del kinne.
Wat fernimme jo derfan?
Fan novimber 2026 ôf is der ferkearshinder om it krúspunt Boalsert West hinne.
Oannimmer BAM Infra Wegen set geregeld updates yn de BouApp del. Jo kinne dizze app downloade fia de QR-koade yn dizze nijsbrief.
Sa wurket it:
- Download de BouwApp fia de QR-koade.
- Gean nei ‘Ontdek’
- Sykje en selektearje yn de BouwApp de projektnamme ‘N359 Bolsward-West’
- Selecteer ’Toevoegen aan favorieten’
- Jo krije dan alle ynformaasje oer dit projekt
Hawwe jo fragen of meldingen oer de útfiering?
By de útfiering kinst streekrjocht fia de BouwApp fragen stelle oan BAM Infra Wegen. Ek meldingen oer hinder kinne je trochjaan.
De provinsje bliuwt ferantwurdlik foar de algemiene projekynformaasje en hâldt tafersjoch op it wurk.
Fragen oer it projekt?
It klantkontaktsintrum (KKS) fan de provinsje Fryslân provincie@fryslan.frl soarget derfoar dat fragen en klachten oer dit projekt by de goede persoan terjochte komme foar in antwurd. It KKS is fan moandei oant en mei freed yn kantoaroeren berikber, telefoan 058 - 292 59 25.