N358 Uterwei
De wurksumheden oan de Uterwei binne hast klear. BAM Infra Wegen wurket oan it ôfrûnjen.
Fytstunnel Rysloane
By de Rysloane is in fytstunnel kommen. Sa hoege fytsers en fuotgongers net mear oer de Uterwei, mar kinne se feilich ûnder de dyk troch. Op 19 desimber wurdt dizze fytstunnel iepene.
Wy hawwe dêr in filmke fan makke. Jo kinne it besjen op ús YouTube-kanaal fia dizze link: Een 3D-visualisatie voor de nieuwe fietstunnel in Surhuizum (youtube.com).
Timelapse oanlis fytstunnel Rysloane
Nije dyk en ovonde
Op ferskate plakken is de Uterwei oanpakt. By de oansluting fan It Langfal is in ovonde (in ovale rotonde) kommen. De oansluting fan de Rysloane op de provinsjale dyk is ferdwûn. De Rysloane en Suderheawei slute fia in paralleldyk oan op de ovonde.
De ovonde soarget foar mear feiligens foar al it ferkear. Fytsers kinne yn twa kear oerstekke.
Tusken de ovonde by It Langfal en It Oast hatt de dyk nij asfalt krigen. De bermen binne steviger en we lizze oan beide kanten betonstroken, lykas op oare parten fan de dyk. Ek binne der trije passearstroken foar lânbouferkear, sadat trekkers en oar grut ferkear feilich ynhelle wurde kinne.
Wy hawwe fan de ovonde in filmke makke. Jo kinne dit besjen op ús YouTube-kanaal fia dizze link: Een 3D-visualisatie voor de nieuwe ovonde in Surhuizum (youtube.com)
App wurk troch BAM Infra Wegen
Spesjaal foar it wurk dat BAM útfiert hawwe sy in bouwapp. Dy is net fan de provinsje Fryslân mar fan BAM. Foar alle ynformaasje kinne jo dy app downloade en dêryn sjen.
Op 'e hichte bliuwe?
Wolle jo op 'e hichte bliuwe fan de wurksumheden oan de Uterwei? Meld jo dan fia ûndersteande knop oan foar de digitale nijsbrief. Hawwe jo gjin e-mailadres en wolle jo graach op 'e hichte bliuwe? Nim dan kontakt op mei it klantkontaktsintrum fia ûndersteand telefoannûmer om in nijsbrief op papier oan te freegjen.
Kontakt
Hawwe jo fragen of opmerkings oer dit projekt? Dan kinne jo kontakt opnimme fia telefoannûmer 058 – 292 59 25 fan moandei oant en mei freed ûnder kantoartiden of e-mail provincie@fryslan.frl.