Provinsje Fryslân fiert it Convenant Schoon en Emissieloos Bouwen út
Fan 1 jannewaris 2026 ôf past Provinsje Fryslân de ôfspraken ta út it Ryksprogramma Schoon en Emissieloos Bouwen (SEB). Dat betsjut dat der minimumeasken en gunningskritearia jilde foar it gebrûk fan boumaterieel. Sa behâlde we skjinne lucht foar elkenien dy't yn Fryslân wennet, wurket of rekreëarret.
Wat binne de easken?
De easken wurde stap foar stap stranger:
- Fan 1 jannewaris 2026 ôf moat al it materieel foldwaan oan in minimale staazjeklasse (IIIa oant IV mei roetfilter). Utstjitfrij materieel is dan noch net ferplichte.
- Fan 1 jannewaris 2028 ôf moat al it lichte materieel (< 56 kW) folslein útstjitfrij wêze.
- Tusken 2030 en 2035 wurkje wy ta nei folslein útstjitfrij materieel, nettsjinsteande de grutte fan de masine.
Undernimmers dy't al earder skjin of útstjitfrij materieel ynsette, kinne yn guon projekten heger skoare. Sa beleanje wy wa't betiid ynvestearret.
Hoe kin ik de oerstap betelje?
De Rijksdienst voor Ondernemend Nederland (RVO) biedt de Subsidieregeling Schoon en Emissieloos Bouwmaterieel (SSEB). Dizze regeling stipet by:
- De oanskaf fan útstjitfrij boumaterieel
- De ombou nei útstjitfrij materieel
- Ynnovaasjeprojekten en helberheidsstúdzjes
Mear ynformaasje fine jo op: Subsidieregeling Schoon en Emissieloos Bouwmaterieel (SSEB) | RVO.nl
Wat dogge oare opdrachtjouwers?
Alle provinsjes, wetterskippen en hieltyd mear gemeenten fiere it konvenant SEB út. Dat jout ûndernimmers mear wissichheid om te ynvestearjen. Yn Fryslân hawwe yn 2025 al fiif gemeenten it konvenant ûndertekene. Yn 2026 sille nei ferwachting mear gemeenten oanslute.
Mear ynformaasje
It konvenant SEB, de rûtekaart, praktykfoarbylden en in wiidweidige kennisbank binne beskikber op: Home | Schoon en Emissieloos Bouwen
Hawwe jo in fraach en fine jo it antwurd net op de webside? Mail dan nei: provincie@fryslan.frl of bel 058 - 292 59 25 (moandei oant en mei freed yn kantoaroeren).