Represintaasje
De Kommissaris fan de Kening útnûgje
De Kommissaris fan de Kening kriget in soad útnûgingen, bygelyks om in kongres ta te sprekken of in iepening te dwaan. Hy stelt dy útnûgingen tige op priis! Brûk by it skriuwen fan de útnûging ûndersteande checklist. Jo kinne ek it formulier ynfolje fia ûndersteande knop.
It advys is om op syn minst acht wiken fan tefoaren jo útnûging te stjoeren.
Checklist
- Omskriuw helder en beknopet de oanlieding fan de útnûging en de winske rol fan de Kommissaris.
- Beskriuw de organisearjende partij.
- Omskriuw it evenemint mei it konkrete doel en tema.
- Jou datum en lokaasje fan it evenemint oan mei it winske tiidstip fan optreden.
- Jou oan wa’t eventuele oare gasten / sprekkers binne.
- Wurde media útnûge?
- Fermeld de kontaktgegevens fan de organisator (mailadres en telefoannûmer)
Proseduere Komitee fan Oanbefelling
As jo de kommissaris fan de Kening útnûgje wolle om in sit te nimmen yn in Komitee fan Oanbefelling moatte jo in skriftlik fersyk yntsjinje. Dêrfoar jilde de ûndersteande kritearia.
Kritearia
- Der moat sprake wêze fan in provinsjaal belang.
- Der mei gjin stridichheid wêze mei de doelstellingen en imago fan de provinsje.
- As der in raakflak is mei in provinsjale portefúlje wurdt advys ynwûn by de deputearre en/of de ynhâldlike ôfdieling.
- De ynfolling fan it Komitee fan Oanbefelling mei mar in hiel lyts skoft kostje.
- Der meie gjin finansjele konsekwinsjes út fuortkomme.
- Oan it akseptearjen fan in Komitee fan Oanrikkemedaasje kinne gjin ferwachtingen/rjochten ûntliend wurde oangeande subsydzjes en dielname oan aktiviteiten.
- Wannear't it fersyk ynwillige wurdt, krijt de oanfreger in skriftlike befêstiging.