Fytse is sûn en hâldt jong. It is goed as minsken dêr oant op hege(re) leeftiid mei trochgean  kinne. Wichtich is wol dat fytsers, en benammen âldere fytsers, harren bewust binne fan de risiko's en de mooglikheden om dy te ferminderjen. It tal âldere fytsers dat nei in ûngelok mei slimme ferwûnings op de spoedeaskjende help telâne komt, nimt ta. Yn in fearns fan de gefallen giet it om harsenletsel. It brûken fan in fytshelm ferminderet de kâns op harsenletsel mei in tredde. Dat is dus substansjeel. Dochs draacht mar sa’n 2% fan de fytsers in helm. It dragen fan in fytshelm is yn Nederlân net ferplichte, mar it wurdt wol sterk oanret. In fytshelm hat nammentlik wichtige foardielen.

Volwassen mensen staan bij een aantal kinderen die allemaal een fietshelm op hebben

Koartingsaksje

Om it brûken fan it fytshelm te stimulearjen, lansearre de Stichting Bevordering Verkeerseducatie (SBV) op 14 oktober 2022 in koartingsaksje. Friezen fan 55 jier en âlder krigen 25 euro koarting op de oanskaf fan in goedkarde fytshelm. Op 7 novimber hienen 1600 Friezen fan de aksje gebrûk makke. Hjirmei wie it beskikbere budzjet fan 40.000 euro op en einige de koartingsaksje.

De aksje wie mooglik troch subsydzje fan de provinsje Fryslân. ‘Ik vind het fantastisch dat zoveel Friezen van de actie gebruik hebben gemaakt en voortaan met een fietshelm de weg op gaan’, reagearret ferkearsfeilichheidsdeputearre Avine Fokkens-Kelder. ‘En natuurlijk blijven we het gebruik van de fietshelm ook in de toekomst stimuleren. Zowel voor ouderen als voor jongeren.’

Mear ynformaasje oer de koartingsaksje: Aftrap Kortingsactie fietshelm(externe link)

Doortrappen Fryslân

Ek by Doortrappen Fryslân jouwe we omtinken oan de fytshelm. Bygelyks yn de folder Draach in fytshelm! lêze jo tips en ynfo oer it nut en de oanskaf fan in fytshelm. Doortrappen Fryslân hat as doel minsken sa lang mooglik mei wille en feilich fytse te litten, it leafst oant harren 100-ste. Mear lêze oer de aktiviteiten en fytsrûtes fan Doortrappen Fryslân

Mear lêze oer de aktiviteiten en fytsrûtes fan Doortrappen Fryslân(externe link)

Dei fan de fytshelm 2024

Op woansdei 10 april is it de Dei fan de Fytshelm. Op dizze wize jouwe wy as provinsje Fryslân omtinken oan in wichtich fraachstik: hoe meitsje wy it fytsferkear feiliger? Ien fan de opsjes is it dragen fan in fytshelm. Op dizze dei drage we dus ús fytshelm en litte we de kapsels efkes efterwege. Want, feilich op 'e fyts stiet foarop. As de helm mar goed sit!

Mear lêze oer de Dei fan de Fytshelm 2023 bij het MCL(externe link)

Dokumint

Hawwe jo problemen mei de lêsberens? Dan kinne jo in formulier ynfolje of belje mei it Klantkontaktsintrum. Sy helpe jo graach fierder.